ەلباسى يلحام اليەۆكە كوڭىل ايتتى
19:15, 02 - ناۋرىز 2018
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ازەربايجان رەسپۋبليكاسىنىڭ پرەزيدەنتى يلحام اليەۆكە كوڭىل ايتۋ جەدەلحاتىن جولدادى،
دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى باكۋ قالاسىندا ورىن العان ءورتتىڭ سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.
«باۋىرلاس ازەربايجان حالقىنىڭ قايعىسىنا ورتاقتاسىپ، قازا بولعانداردىڭ تۋىستارى مەن جاقىندارىنا قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىن»، - دەلىنگەن جەدەلحاتتا.