سەنات دەپۋتاتى بارلىق بالاباقشادا قازاق تىلىندە وقىتۋدى تالاپ ەتتى

استانا. قازاقپارات - سەناتورلار ەلىمىزدە ءبىرىنىڭ جازۋىن ەكىنشىسى تۇسىنبەيتىن ۇرپاق قالىپتاسا ما دەپ قاۋىپتەنىپ وتىر. سوندىقتان مۇرات باقتيار ۇلى بارلىق بالاباقشانى تەك قازاق تىلىندە جانە لاتىن گرافيكاسىنا نەگىزدەلگەن الىپبيمەن وقىتۋ جۇيەسىنە كوشىرۋدى ۇسىندى.

باقتيار ۇلى بۇل ءىستى ءبىر كۇنگە دە كەيىنگە قالدىرماي، قازىردەن كىرىسۋ قاجەت دەپ وتىر. ۇلتىنا قاراماستان كەز- كەلگەن ۇل مەن قىز بالاباقشادا لاتىن گرافيكاسىنا نەگىزدەلگەن الىپبيدەن ءارىپ تانۋى ءتيىس. ول ءۇشىن مەكتەپكە دەيىنگى مەكەمەلەردە وقۋ- تاربيە جۇمىسى تەك مەملەكەتتىك تىلدە جۇرگىزىلۋى قاجەت. سوندا قازاق ءتىلى ءبۇلدىرشىننىڭ ساناسىنا مىقتاپ سىڭەدى.

 سەناتور وسىعان بايلانىستى بارلىق دياسپوراعا ءتۇسىندىرۋ جۇمىستارىن جۇرگىزۋدى ۇسىندى. ال اتا- انالاردىڭ ەركىنە سالساق، بولاشاقتا لاتىن گرافيكاسىنا نەگىزدەلگەن ءالىپبيدى مەڭگەرگەن جانە كيريلليتسامەن ءارىپ تانىعان، ءبىرىن- ءبىرى تۇسىنبەيتىن ۇرپاق قالىپتاسۋى مۇمكىن دەيدى دەپۋتات.

مۇرات باقتيار ۇلى، سەنات دەپۋتاتى:

 -  قازىر قوعامدى تاعى ءبىر ماسەلە الاڭداتىپ وتىر. ول -  لاتىن ءالىپبيى تەك قازاق ءتىلدى مەكتەپتەردە عانا قولدانىلاتىن بولساق، كۇنى ەرتەڭ ءار اتا- انا بالالارىن وزدەرى بىلەتىن تىلدەگى كيريلليتسا گرافيكاسىمەن ورىس تىلىندەگى جۇمىس ىستەپ تۇرعان مەكتەپتەرگە بەرەرلەرى قازىردەن دە بەلگىلى بولۋدا. ءتۇپتىڭ تۇبىندە بۇل كەلىپ، قوعامعا بىرەۋلەرى لاتىن ءالىپبيىن مەڭگەرگەن، ال ەكىنشى توبى لاتىن قارىپىن بىلمەيتىن، تەك كيريلليتسامەن عانا جۇمىس ىستەيتىن توپقا ءبولىپ جىبەرە مە دەگەن ماسەلە الاڭداتادى. بۇل تۇتاس ءبىر قازاق ۇلتىنىڭ تاعى دا تىلدىك نەگىزدە بولشەكتەنىپ كەتۋىنە اكەپ سوعاتىنداي.

www.qazaquni.kz