باتىس قازاقستاننىڭ اكىمى باتالى اقساقالدارمەن كەزدەستى - فوتو
وبلىس ارداگەرلەرىن مەرەكەمەن قۇتتىقتاعان ءوڭىر باسشىسى العىس ايتۋ كۇنى تاعدىر تالكەگىمەن قازاقستانعا قونىس اۋدارعان ءتۇرلى ۇلت وكىلدەرىنىڭ قازاق ەلىنە ريزالىعىن ءبىلدىرۋ ارقىلى ءوزارا تۇسىنىستىگىمىز بەن سىيلاستىعىمىزدى بارشا جۇرتقا پاش ەتەتىن كۇن ەكەندىگىن جەتكىزدى.
«مەملەكەت باسشىسى نۇرسۇلتان ءابىش ۇلى نازاربايەۆ ەلىمىز تاۋەلسىزدىك العان باستاپقى كەزەڭدە- اق قازاقستان حالقى اسسامبلەياسىن قۇرىپ، حالىقتى بىرلىككە، تاتۋلىققا شاقىرعان بولاتىن. سوندىقتان 1 -ناۋرىز اسسامبلەيا كۇنى رەتىندە دە اتالىپ وتەدى. بىزدەر وسى دوستىق پەن بىرلىك تۋىن بيىك ۇستاپ، حالقىمىزدىڭ مەيىرباندىق سىندى اسىل قاسيەتتەرىن قاستەرلەي، بايىتا ءبىلۋىمىز كەرەك. قازاق ەلى ىنتىماعىمەن العا باسىپ، بەرەكە- بىرلىگىمەن وزاتىن بولادى. وسى ورايدا ەڭ الدىمەن كەيىنگى ۇرپاققا جول سىلتەپ، ۇلگى- ونەگەسىن كورسەتىپ وتىرعان اقساقالدارعا، بارشا اعايىنعا العىسىمىزدى ارنايمىز»، دەدى التاي كولگىنوۆ.
جيىندا قازاقستان حالقى ب ق و اسسامبلەياسى جانىنداعى اقساقالدار كەڭەسىنىڭ مۇشەسى، ورىس ۇلتىنىڭ وكىلى ۆاسيلي بايەۆ، سونداي-اق كورەي گريگوري تە، تاتار زاكير حۋزاسايتوۆ، بەلارۋس اناستاسيا سافينا، «ۆايناح» شەشەن- ينگۋش ەتنومادەني ورتالىعىنىڭ ءتوراعاسى دانيلبەك ساراتوۆ قازاق ەلىنە دەگەن شىنايى ىقىلاس- تىلەكتەرىن ايتىپ، سان ۇلتتىڭ باسىن قوسىپ، العا باستاپ كەلە جاتقان ەلباسى ساياساتىن قولدايتىندىقتارىن ءبىلدىردى. باتالى سوزدەر دە ايتىلدى.
شارا سوڭىندا قاتىسۋشىلارعا وبلىس اكىمىنىڭ العىسحاتتارى تابىس ەتىلدى.
العىس ايتۋ كۇنىنە وراي جاڭا الاڭدا مەرەكەلىك كونسەرت تە قويىلدى.