قازاق باۋىرلارىما ورتاق شاڭىراعىمىز ءۇشىن العىس بىلدىرگىم كەلەدى - سەرگەي ۆودكو
مەرەكەگە وبلىس اكىمىنىڭ ورىنباسارى جاندوس ابىشەۆ، باسقارما باسشىلارى، قاراعاندى وبلىسىندا قىزمەت ەتەتىن بارلىق ەتنومادەني ورتالىقتاردىڭ وكىلدەرى قاتىستى.
شارانى ۇيىمداستىرۋشىلار قولدانبالى ونەر بۇيىمدارىنىڭ كورمەسىن ۇيىمداستىرىپ، ءبي انسامبلدەرى مەن ۆوكالشىلاردىڭ قاتىسۋىمەن مەرەكەلىك كونسەرت ازىرلەدى.
«قازاق حالقىنىڭ تاريحى - بەيبىتشىلىك پەن دوستىق كەز كەلگەن قيىندىقتاردى جەڭە الاتىنى تۋرالى اڭگىمەلەيدى. سارى ارقا جەرى كوپتەگەن ەتنوستار ءۇشىن تۋعان جەرىندەي بولىپ كەتتى»، - دەدى قاراعاندى وبلىسى اكىمىنىڭ ورىنباسارى جاندوس ابىشەۆ. - وسى ءبىر شۋاقتى كۇنى مەن شىن جۇرەكتەن ءبىزدىڭ بارلىق ەتنومادەني بىرلەستىكتەردىڭ وكىلدەرىنە ەلىمىزدەگى اۋىزبىرلىككە قوسقان ۇلەستەرى مەن جاساعان يگى ىستەرى ءۇشىن العىسىمدى بىلدىرەمىن».
مەرەكەدە سونىمەن قاتار ەتنومادەني ورتالىقتاردىڭ وكىلدەرى دە ءسوز سويلەدى. قاراعاندى وبلىستىق «پولونيا» پولياك قوعامىنىڭ ءتوراعاسى ۆيتالي حمەلەۆسكي: «العىس - ەڭ ماڭىزدى سەزىمدەردىڭ ءبىرى» دەپ ەسەپتەيدى.
«ءبىز العىس كۇنىن ءۇشىنشى جىل قاتارىنان اتاپ ءوتىپ كەلەمىز. ءبىزدىڭ جۇرەگىمىزدەگى العىس سەزىمى - ول ءبىزدىڭ قوعامدا بەيبىتشىلىك، ىنتىماقتاستىق جانە بىرلىكتى قۇرۋ پرينسيپەرىنىڭ ساياساتىنىڭ ارقاسى».
1 -ناۋرىز كۇنى حالقىمىز ءۇشىن قيىن- قىستاۋ بولعان كەزەڭدەر ەسكە الىنادى: ساياسي قۋعىن- سۇرگىن زامانى مەن اشارشىلىق. باستى ماقسات - سول قيىندىقتاردى جەڭۋگە كومەكتەسكەن جاندارعا العىس ءبىلدىرۋ.
- مەنىڭ ويىمشا، وسىندا جينالعانداردىڭ بارلىعى قازاق حالقىنا، قازاقستان جەرىنە وسىنداي بەيبىت جانە جايلى ءومىر ءسۇرىپ جاتقانىمىز ءۇشىن العىسى شەكسىز، - دەپ اتاپ ءوتتى قاراعاندىلىق يەۆرەي مادەنيەتى ورتالىعىنىڭ ءتوراعاسى ۆيلەن مولوتوۆ- لۋچانسكي.
قاراعاندى وبلىسىندا 78 ەتنومادەني ورتالىق قىزمەت اتقارادى. قازاقستان حالقى اسسامبلەياسى جانىندا سەرگەي ۆودكو باسقاراتىن قايىرىمدىلىق جاساۋشىلار مەن تالىمگەرلەر كلۋبى قۇرىلعان.
- بۇل كۇنى ءبىز بارلىعىمىزعا ورتاق قايعىلى تاريحتى ەسكە الامىز. قۋعىن-سۇرگىن جانە قۋدالاۋ كەزىندە ادامدار ءبىر-بىرىنە تەرىس بۇرىلماي، كەرىسىنشە سوزبەن ايتقىزسىز قامقورلىق پەن جاناشىرلىق تانىتتى. قازاقستان جەرى ميلليونداعان ادامدار ءۇشىن باسپانا بولدى. قازاق باۋىرلارىما وسىنداي اعايىندارداي دوستىعىمىز ءۇشىن، ءبىزدىڭ ورتاق جەڭىستەرىمىز بەن ورتاق شاڭىراعىمىز ءۇشىن العىسىمدى بىلدىرگىم كەلەدى، - دەدى سەرگەي ۆودكو.
قازاقستاندا العىس كۇنى 2016- جىلدان بەرى اتاپ وتىلەدى. قاراعاندىنىڭ بارلىق اۋداندارىندا بۇگىن العىس كۇنىنە ارنالعان مەرەكەلىك كونسەرتتەر مەن قايىرىمدىلىق شارالارى ءوتتى.