الماتى اكىمى ءۇندىستان ەلشىسىمەن كەزدەستى

الماتى. قازاقپارات - الماتى قالاسىنىڭ اكىمى باۋىرجان بايبەك ءۇندىستاننىڭ قازاقستانداعى توتەنشە جانە وكىلەتتى ەلشىسى پرابحات كۋمارمەن كەزدەستى.

تاراپتار ەكى ەل اراسىنداعى ساۋدا-ەكونوميكالىق جانە مادەني-گۋمانيتارلىق باعىتتاعى ماسەلەلەردى نىعايتۋ جايىن تالقىعا سالدى، دەپ حابارلايدى «قازاقپارات» ح ا ا.

باۋىرجان بايبەك ناتيجەلى بولعان ىنتىماقتاستىق جىلدارىندا قازاقستان ءۇندىستان ءۇشىن ورتالىق ازيا ەلدەرى اراسىندا ءىرى ساۋدا جانە ينۆەستيتسيالىق ارىپتەسكە اينالعاندىعىن اتاپ ءوتتى. ءۇندىستان IT- قىزمەتتەر سالاسىنداعى ءىرى ەكسپورتەرلاردىڭ ءبىرى. الماتى بولسا، ينۆەستيتسيالىق حابتاردى دامىتۋ تاجىريبەسىن زەردەلەۋگە جانە ءۇندىستاندىق تەحنوپاركتەرمەن ىنتىماقتاستىق ورناتۋعا دايىن. ءوز كەزەگىندە ءۇندىستان ەلشىسى تۋريزم، مادەنيەت جانە ءبىلىم سالاسىنداعى ىنتىماقتاستىقتىڭ الەۋەتى تۋرالى ايتتى.

«الماتى ءۇندىستاندىق بيزنەس پەن مادەنيەت سالاسى وكىلدەرىنىڭ دە قاتىسۋىمەن كوپتەگەن جانە ءتۇرلى شارالار ۇيىمداستىرلىپ جاتاتىن ءىرى ورتالىقتاردىڭ ءبىرى. بۇل قالاعا دەليدەن نەبارى 3,5 ساعاتتا ۇشىپ كەلۋگە بولادى. سول سەبەپتى ول ءبىزدىڭ ازاماتتارىمىز ءۇشىن تانىمال تۋريستىك باعىتقا دا اينالىپ وتىر. ءبىز ءتۇرلى فەستيۆالدار مەن كونسەرتتەر جانە كورمەلەر ۇيىمداستىرا وتىرىپ، ودان ءارى دە مادەني بايلانىستاردى ارتتىرا بەرگەندى ءجون كورىپ وتىرمىز. مەگاپوليستە ءۇندىستاننان 600 گە جۋىق ستۋدەنتتەر بار. مەنىڭشە، ەكىجاقتى ءبىلىم بەرۋ باعدارلامالارىنىڭ سپەكترى الداعى ۋاقىتتا تەك ارتا بەرەتىن بولادى»، - دەدى پرابحات كۋمار.

بۇگىنگى تاڭدا الماتىدا ساۋدا، مەديتسينا، قۇرىلىس، قارجى سالالارى بويىنشا ءۇندىستان كاپيتالىنىڭ قاتىسۋىمەن 152 كاسىپورىن جۇمىس ىستەپ جاتقاندىعىن ايتا كەتۋ كەرەك. 2017-جىل بويىنا الماتى قالاسى مەن ءۇندىستان اراسىنداعى تاۋار اينالىمى 186,6 ميلليون ا ق ش دوللارىن قۇرادى.