اتىراۋدىڭ باس الاڭىن جەر قويناۋىن پايدالانۋشىلار قالپىنا كەلتىرمەك
07:22, 02 - ناۋرىز 2018
اتىراۋ. قازاقپارات - اتىراۋدىڭ باستى الاڭىن وسى وڭىردە جەر قويناۋىن پايدالانۋمەن اينالىسىپ جاتقان كاسىپورىندار ءوز قارجىلارىنا قالپىنا كەلتىرىپ بەرمەك، دەپ حابارلايدى قازاقپارات.
«وبلىس ورتالىعىندا ورنالاسقان ماحامبەت وتەمىسوۆ پەن يساتاي تايمانوۆ اتىنداعى ورتالىق الاڭداعى اۋقىمدى جوندەۋ جۇمىستارى بيىل باستالماق. الدىن الا دايىندالعان جوبا بويىنشا، الاڭعا جاڭا ارحيتەكتۋرالىق كومپوزيتسيالار ورناتىلماق. بىرنەشە سۋبۇرقاق سالىنىپ، زامانعا ساي وتىراتىن ورىندار پايدا بولادى. باسسەينى جانە «ءان ايتاتىن» سۋبۇرقاعى بار مراموردان سالىنعان دومبىرا الاڭنىڭ باستى كوركى بولادى»، - دەپ حابارلادى وبلىس اكىمدىگىنىڭ باسپا ءسوز قىزمەتىندەگىلەر.
الاڭدى قايتا قالپىنا كەلتىرۋ جوباسى جەر قويناۋىن پايدالانۋشىلاردىڭ الەۋمەتتىك تولەمدەرىنىڭ كومەگىمەن جۇزەگە اسىرىلادى.