مۇعالىم مەكتەپتە اتىس ۇيىمداستىردى

استانا. قازاقپارات - امەريكانىڭ دجوردجيا شتاتىندا الەۋمەتتىك عىلىمدار مۇعالىمى اتىس ۇيىمداستىردى. بۇل تۋرالى ABC Newsحابارلادى.

«دجوردجيا شاتاتىنداعى جوعارى مەكتەپتە قارۋلانعان مۇعالىم سىنىپتا ءبىر ءوزى ەسىكتى بەكىتىپ الىپ، كەيىن قارۋدان اتا باستاعان»، - دەلىنگەن پوليتسيا اقپاراتىندا.

اتىس بارىسىندا اۋديتوريادا ەشكىم بولماعاندىقتان زارداپ شەككەندەر جوق. اتاپ وتىلگەندەي، مەكتەپتى ەۆاكۋاتسيالاۋ بارىسىندا ءبىر وقۋشى قىز اياعىن جاراقاتتاپ الدى.

جەرگىلىكتى پوليتسيا وكىلى بريۋس فرەيزەر مۇعالىم جارتى ساعات قارسىلىق بىلدىرگەننەن كەيىن ءتارتىپ ساقشىلارىنىڭ قولىنا تۇسكەنىن ايتتى.

ول - 53 جاستاعى پەداگوگ دجەسسي رەندالل دەۆيدسەن. سونداي-اق ول اتالمىش ءبىلىم ورداسىندا فۋتبولدان كوممەنتاتور بولىپ جۇمىس ىستەگەن.

ەسكە سالايىق، اعىمداعى جىلدىڭ 14- اقپانى كۇنى فلوريدا شتاتىنداعى Stoneman Douglas جوعارى مەكتەبىندە 17 جاستاعى نيكولاس كرۋز اتىس ۇيىمداستىرىپ، سالدارىنان 17 ادام قازا بولدى.