قازاقستاندىقتار كۇندەلىكتى ەكى ساعاتىن تەلەديدارعا ارنايدى - داۋرەن ابايەۆ
دەپ حابارلايدى قازاقپارات.
«رۋحاني جاڭعىرۋىمىزداعى ۇلتتىق كودتى قالىپتاستىرۋدا بۇقارالىق اقپارات قۇرالدارىنىڭ ورنى زور. اقپارات جانە كوممۋنيكاتسيالار مينيسترلىگىنىڭ ارنايى جۇرگىزگەن الەۋمەتتىك زەرتتەۋلەرى بويىنشا قازاقستاندىقتار تەلەديداردان اقپارات الۋعا كۇندەلىكتى 120 مينۋتىن جۇمسايدى ەكەن. سالىستىرمالى تۇردە، ينتەرنەت- رەسۋرستار مەن باسپا سوزدەگى اقپاراتتى وقۋعا 60 جانە 45 مينۋتىن ارنايتىنى انىقتالدى، - دەدى داۋرەن ابايەۆ «نۇر وتان» پارتياسى جانىنداعى «ميراس» رەسپۋبليكالىق كەڭەسىنىڭ وتىرىسىندا.
وسى ورايدا مينيستر مەملەكەتتىك تاپسىرىس اياسىندا وتاندىق جانە كوممەرتسيالىق تەلەارنالار مەن راديولاردىڭ ەلىمىزدىڭ تاريحىن، ادەت- عۇرپىن ناسيحاتتايتىن باعدارلامالار دايىنداپ جاتقانىن اتاپ ءوتتى.
«حابار 24» پەن «Qazaqstan» ارنالارى «ءىنجۋ- مارجان» اتتى 100 سيكلدى قۇرايتىن 30 باعدارلامارالىق بەينەروليكتى روتاتسيالادى. سونىمەن قاتار، «حابار» تەلەارناسى «بولاشاققا باعدار»، «سانا» جوبالارىن جارىققا شىعاردى. شەت مەملەكەتتەردە تۇراتىن قانداستارىمىز ءۇشىن «Kazakh tv» تەلەارناسى ۇدايى اقپارات تاراتۋدا. وندا جاڭالىقتاردان بولەك، ەلىمىزدىڭ جەتىستىكتەرىن ناسيحاتتاۋعا باعىتتالعان التى سيكلدىق باعدارلاما بار»، - دەپ ءسوزىن تولىقتىردى مينيستر.
مينيسترلىك قازاقستان حالقى اسسامبلەياسىمەن بىرلەسىپ «قازاقستاننىڭ 100 جاڭا ەسىمى» جوباسىن جۇزەگە اسىرعان. قازىر جوبا قاتىسۋشىلارى تۋرالى دەرەكتى فيلمدەر مەملەكەتتىك تەلەارنالاردىڭ ەفيرىنەن ترانسلياتسيالانىپ جاتىر.
«رۋحاني جاڭعىرۋ» ماقالاسىندا ايتىلعان باسىم باعىتتاردىڭ ورىندالۋىنا بايلانىستى 2017 -جىلى اتقارىلعان ءىس- شارالار تۋرالى «جاڭعىرۋ جولى. جاڭا تۇرپات» اتتى دەرەكتى فيلمى كورەرمەن نازارىنا ۇسىنىلعان.
سونداي- اق، حالقىمىزدىڭ رۋحاني قۇندىلىقتارىن جاڭعىرتۋعا باعىتتالعان الەۋمەتتىك روليكتەر دايىنداۋعا دا باسا ءمان بەرىلىپ وتىر. 2017 -جىلى 131 الەۋمەتتىك بەينەروليك ازىرلەنگەن.
اۆتور: ايجان سەرىكجان قىزى