ۇزاق ۋاقىت تەلەديدار قاراۋ قاۋىپتى

 استانا. قازاقپارات - ۇزاق ۋاقىت بويى تەلەديدار الدىندا وتىرۋ كوكتامىر ترومبوزىنىڭ پايدا بولۋ قاۋپىن ارتتىرادى.

 بۇل تۋرالى ا ق ش- تاعى ميننەسوتا ۋنيۆەرسيتەتىنىڭ عالىمدارى ايتىپ وتىر، - دەپ جازادى ريا نوۆوستي Science Daily باسىلىمىنا سىلتەمە جاساپ. دارىگەرلەر 24 جىل بويى جاسى 45-64 ارالىعىنداعى 15 مىڭ امەريكالىقتىڭ دەنساۋلىعىن زەرتتەپ، جۇيەلى تۇردە ساۋالناما جۇرگىزىپ كەلگەن. وسىلايشا، وسى كۇنگە دەيىن 691 كوكتامىر ترومبوزى تىركەلگەن. وسى ورايدا عالىمدار تەلەديدار الدىندا ۇزاق ۋاقىت وتىراتىن ادامداردىڭ 1,7 ەسە وسى دەرتتەن زارداپ شەگەتىنىن انىقتادى.

 "بۇل ناتيجەلەر كۇندەلىكتى فيزيكالىق جاتتىعۋ جاساپ جۇرەتىندەردىڭ دە ۇزاق ۋاقىت بويى ءبىر ورىندا وتىرا بەرمەۋ كەرەكتىگىن كورسەتەدى. مىسالى، تەلەديدار كورگەن كەزدە دە"، - دەلىنگەن ياسۋحيكو كۋبوتانىڭ زەرتتەۋىندە. مامانداردىڭ ايتۋىنشا، كوكتامىر ترومبوزى كەزىندە كوكتامىرلاردىڭ ىشىندە قان ۇيىعى (ترومب) پايدا بولادى. بۇل پروتسەسس، اسىرەسە، اياقتاعى تامىرلارعا اسەر ەتەدى. سونىمەن قاتار، مۇنىڭ جەڭىل ارتيللەريانىڭ بىتەلۋىنە الىپ كەلەتىنى ايتىلادى. ال ەمدەمەگەن جاعدايدا ادام، ءتىپتى، ءولىپ كەتۋى دە مۇمكىن ەكەن.

 دەرەككوز: tengrinews.kz