قازاقستان تۋريستەرىن شەتەلدە تولىقتاي ساقتاندىرۋ قاجەت - نۇرلان نىعماتۋلين
ءماجىلىستىڭ جالپى وتىرىسىندا ساقتاندىرۋ قىزمەتى بويىنشا تۇزەتۋلەرلەردى قاراستىرعان زاڭ جوباسىن تالقىلاۋ كەزىندە دەپۋتاتتار شەتەلگە ساپارلاۋ كەزىندە تۋريستى ساقتاندىرۋ ماسەلەسىنە نازار اۋداردى.
«ءبىزدىڭ كوپتەگەن ازاماتتارىمىز قازىرگى ۋاقىتتا ءوز دەمالىستارىن تۋريستىك جولداما بويىنشا شەتەلدە وتكىزەدى. ارينە، ول جاقتا جۇرگەندە ءارتۇرلى جاعدايلار بولۋى مۇمكىن. اۋىرىپ قالادى نەمەسە باسقا جايتتار بولۋى ابدەن مۇمكىن. ءبىراق تا، ەڭ باستىسى - تۋريستىك جولداما بويىنشا شەتەلدە جۇرگەن ازاماتتارىمىزدى وسى كەزەڭدە تولىقتاي ساقتاندىرۋ قاجەت. سوندىقتان، وسى ماسەلەنى ەكىنشى وقىلىمعا دەيىن قاراۋىمىز قاجەت، - دەدى نۇرلان نىعماتۋلين.
وسى زاڭ جوباسىنا سايكەس، قازاقستاندىق تۋريستەردى قورعاۋ ماقساتىندا تۋريستىك فيرمالار شەتەلگە شىعاتىن تۋريستى مىندەتتى ساقتاندىرۋدى جۇزەگە اسىرۋ كوزدەلەتىن بولادى.
ايتا كەتەيىك، پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ جانە ساقتاندىرۋ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.
«زاڭ جوباسىنداعى ەكىنشى باعىت - بۇل تۋروپەراتوردىڭ جاۋاپكەرشىلىگىن ساقتاندىرۋدان شەتەلگە شىعۋشى تۋريستىڭ ءوزىن ساقتاندىرۋعا ءوتۋ. قازىرگى كەزدە تۋروپەراتوردىڭ جاۋاپكەرشىلىگىن ساقتاندىرۋ كەزىندە ساقتاندىرۋ تەك تۋروپەراتوردىڭ كىناسى دالەلدەنگەن كەزدە عانا جۇمىس ىستەيدى. بۇل وتە سيرەك كەزدەسەتىن جاعداي. تۋريست، ادەتتە، دەنساۋلىعىنا كەلتىرىلگەن زياندى وتەۋگە بايلانىستى ءوز ماسەلەلەرىمەن جالعىز قالادى. زاڭ جوباسى شەتەلگە شىعۋشى تۋريستەردى ساقتاندىرۋ ءتارتىبىن وزگەرتۋدى قاراستىرادى. تۋروپەراتور جولدامانى ساتقان كەزدە تۋريستكە ساقتاندىرۋ كۋالىگىن بەرۋگە مىندەتتى بولادى. ساقتاندىرۋ كۋالىگىندە شەتەلدە تاۋلىك بويى مەديتسينالىق كومەك كورسەتەتىن حالىقارالىق كومپانيالاردىڭ تەلەفوندارى كورسەتىلەتىن بولادى»، - دەپ اتاپ ءوتتى ۇلتتىق بانك ءتوراعاسى دانيار اقىشەۆ.
اۆتور: رۋسلان عابباسوۆ