ۆىشەگرادتىق توپ جانە ورتالىق ازيا: جاڭا مۇمكىندىكتەر
ىنتىماقتاستىقتىڭ بۇل جاڭا فورماتىن ماجار ۇكىمەتى ەۋروپالىق كونتينەنت شەگىنەن تىس ارىپتەس ەلدەرمەن ءوزارا ءىس-قيمىلدى كۇشەيتۋ مىندەتىن العا قويا وتىرىپ، «ۆىشەگراد بىرىكتىرەدى» (V4 Connects») ۇرانىمەن وتەتىن ۆىشەگرادتىق توپتا باستاما جاسادى.
قازاقستاننىڭ سىرتقى ىستەر ءمينيسترى قايرات ءابدىراحمانوۆ وتىرىسقا قاتىسۋشىلارعا ارناعان سوزىندە ۆىشەگرادتىق توپتىڭ ينتەگراتسيالىق تاجىريبەسى قازىرگى كەزدە سەرپىن العان ورتالىق ازيالىق ءوزارا ءىس-قيمىل ءۇشىن وتە پايدالى ەكەنىن اتاپ ءوتتى. مينيستر پرەزيدەنت ن. نازاربايەۆ ورتالىق ازيا ەلدەرىن وڭىردەگى وزەكتى پروبلەمالاردى شەشۋ ءۇشىن كۇش بىرىكتىرۋگە شاقىراتىنىنا ارىپتەستەرىنىڭ نازارىن اۋداردى.
قازاقستان س ءى م باسشىسى ورتالىق ازيا مەن ۆىشەگرادتىق توپتىڭ ىقتيمال ءوزارا ءىس-قيمىلىنىڭ ناقتى سالالارىن اتادى. ولاردىڭ قاتارىنا ءبىلىم بەرۋ مەن ادامي كاپيتال، سيفرلاندىرۋ مەن وزىق تەحنولوگيالاردى پايدالانۋ، «ەكسپو-2017» حالىقارالىق مامانداندىرىلعان كورمەسىنىڭ الاڭىندا قۇرىلعان «استانا» حالىقارالىق قارجى ورتالىعى، «جاسىل» تەحنولوگيالاردى دامىتۋ ورتالىعى مەن ІТ- ستارتاپتار پاركى شەڭبەرىندەگى ىنتىماقتاستىق كىردى.
مينيستر «ۆىشەگرادتىق توپ» برەندىنىڭ تابىسقا جەتۋدەگى ماڭىزدى فاكتورىنىڭ ءبىرى باسقا مەملەكەتتەرمەن جانە بىرلەستىكتەرمەن ديالوگ جۇرگىزۋ مەن ىنتىماقتاستىق ورناتۋعا اشىقتىعى بولىپ تابىلاتىنى جونىندە پىكىرىن ءبىلدىردى. تورتتىك ارىپتەستەرىنىڭ اراسىندا جاقىن كورشىلەرى مەن كانادا نەمەسە جاپونيا سياقتى گەوگرافيالىق الشاق جاتقان ەلدەردى دە كورۋگە بولاتىنى كەزدەيسوقتىق ەمەس. توپتى ءاربىر ارىپتەسپەن ءوزارا ءتيىمدى بىرلەسكەن جوبالار بىرىكتىرەتىنى نازار اۋدارۋعا تۇرادى.
وتىرىستا قاتىسىپ وتىرعان بارلىق مەملەكەتتەردىڭ وكىلدەرى ۇسىنىلعان فورماتتاعى ءوڭىرارالىق ءوزارا ءىس-قيمىل مەن قارقىندى ديالوگتى جالعاستىرۋعا ەرەكشە مۇددەلىك ءبىلدىردى.
وسى كۇنى ورتالىق ازيا ەلدەرىنىڭ مينيسترلەرىن ماجارستان پرەمەر-ءمينيسترى ۆيكتور وربان قابىلدادى. ماجارستاننىڭ و ا ەلدەرىمەن ءوزارا قارىم-قاتىناستارىنىڭ تۇتاستاي اۋقىمى بويىنشا اشىق ءارى پايدالى پىكىر الماسۋ بولدى. كەزدەسۋ بارىسىندا قازاقستان س ءى م جەتەكشىسى ەكى ەل باسشىلىعىنىڭ اراسىنداعى جىلى جانە سەنىمدى قارىم-قاتىناستار قازاقستان-ماجارستان بەلسەندى ىنتىماقتاستىعى مەن ستراتەگيالىق ارىپتەستىكتىگىنىڭ كەپىلى بولىپ تابىلاتىن ايرىقشا اتاپ ءوتتى.
ماجارستاندى، پولشانى، سلوۆاكيانى جانە چەحيانى بىرىكتىرەتىن ۆىشەگرادتىق توپ مۇشە ەلدەر ءۇشىن ورتاق ەۋروپالىق ينتەگراتسيا ماسەلەلەرىن شەشۋدە ءوزارا قولداۋ كورسەتۋ ماقساتىندا 1991-جىلى قۇرىلدى. قازىرگى تاڭدا تورتتىك ە و- داعى ورتاق مىندەتتەردى شەشۋگە نازارىن اۋدارادى. سونىمەن قاتار حالىقارالىق ىنتىماقتاستىق الەۋەتىن ىسكە اسىرۋعا دا ەلەۋلى ءمان بەرىلەدى.