ەلباسى جارلىعىمەن ادام قۇقىقتارى جونىندەگى كوميسسيا قۇرامى وزگەردى

استانا. قازاقپارات - ەلباسى نۇرسۇلتان نازاربايەۆتىڭ جارلىعىمەن ق ر پرەزيدەنتىنىڭ جانىنداعى ادام قۇقىقتارى جونىندەگى كوميسسيانىڭ قۇرامى وزگەردى، دەپ حابارلايدى قازاقپارات قازاقستاننىڭ نورماتيۆتىك قۇقىقتىق اكتىلەرى اقپاراتتىق قۇقىقتىق جۇيەسىنىڭ سايتىنا سىلتەمەمەن.

اتالمىش كوميسسيا قۇرامىنا ق ر ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆا، قازاقستان رەسپۋبليكاسى كاسىپوداقتار فەدەراتسياسىنىڭ ءتوراعاسى باقىتجان ءابدىرايىم، ازاپتاۋعا قارسى ۇلتتىق الدىن الۋ تەتىگىنىڭ حاتشىسى ساۋلە مەكتەپبايەۆا، باس ءمۇفتي، قازاقستان مۇسىلماندارى ءدىني باسقارماسىنىڭ ءتوراعاسى سەرىك وراز كىردى.

«كورسەتىلگەن كوميسسيانىڭ قۇرامىنان: ءا. ق. احمەتوۆ، ت. ب. دۇيسەنوۆا، گ. ا. جۇماگەلديەۆا، ە. م. مايامەروۆ شىعارىلسىن»، - دەلىنگەن جارلىقتا.

سونداي-اق، ءمادينا ءابىلقاسىموۆا قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ قۇرامىنان شىعارىلدى.