رەسپۋبليكانىڭ باسىم بولىگىندە تۇمان ءتۇسىپ، كەي جەرلەردە كوكتايعاق بولادى

استانا. قازاقپارات - بۇگىن اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە اۋا رايى قۇبىلمالى بولادى.

ەلدىڭ كەي جەرلەرىندە جاۋىن جاۋادى، تەك رەسپۋبليكانىڭ شىعىسىندا اۋا رايى جاۋىن-شاشىنسىز بولادى. كەي جەرلەردە جەل كۇشەيەدى، بۇرقاسىن بولادى، سولتۇستىگىندە، وڭتۇستىگىندە جانە وڭتۇستىك-شىعىسىندا كوكتايعاق بولادى. رەسپۋبليكانىڭ باسىم بولىگىندە تۇمان ساقتالادى.

بۇل تۋرالى ق ر ءى ءى م ت ج ك باسپا ءسوز قىزمەتى حابارلايدى.

جامبىل، وڭتۇستىك قازاقستان، قىزىلوردا وبلىستارىنىڭ كەي جەرلەرىندە تۇمان تۇسەدى، جەلدىڭ جىلدامدىعى 15-20، ەكپىنى 23-28 م/س- عا جەتەدى. جامبىل، وڭتۇستىك قازاقستان وبلىستارىندا كەي جەرلەردە جەلدىڭ جىلدامدىعى 30 م/س- عا دەيىن كۇشەيەدى. جامبىل، قىزىلوردا وبلىستارىندا كوكتايعاق كۇتىلەدى.

قاراعاندى، اقمولا وبلىستارىنىڭ كەي جەرلەرىندە تۇمان، كوكتايعاق بولىپ، جەلدىڭ جىلدامدىعى 15-20 م/س- عا دەيىن كۇشەيەدى.

الماتى وبلىسىنىڭ كەي جەرلەرىندە تۇمان تۇسەدى، تۇندە جالاڭاشكول اۋدانىندا جەلدىڭ جىلدامدىعى 15-20 م/س- عا دەيىن كۇشەيەدى.

ماڭعىستاۋ، باتىس قازاقستان، اقتوبە، تۇندە اتىراۋ، پاۆلودار وبلىستارىنىڭ كەي جەرلەرىندە تۇمان تۇسەدى، اتىراۋ وبلىسىندا كوكتايعاق بولادى.

قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان، بۇرقاسىن بولىپ، جەلدىڭ جىلدامدىعى 15-20 م/س- عا دەيىن كۇشەيەدى.