بوزىمبايەۆ «گازپروم» باسشىسىمەن قازاقستانداعى گاز جەلىسىن تارتۋ جوبالارىن تالقىلادى

استانا. قازاقپارات - سانكت- پەتەربۋرگ قالاسىندا ق ر ەنەرگەتيكا ءمينيسترى قانات بوزىمبايەۆ رەسەيدىڭ «گازپروم» ا ا ق باسقارما ءتوراعاسى الەكسەي ميللەرمەن كەزدەستى، دەپ حابارلايدى قازاقپارات ق ر ەنەرگەتيكا مينيسترلىگىنىڭ باسپا ءسوز قىزمەتىنە سىلتەمە جاساپ.

«كەزدەسۋدە استانانى گازداندىرۋ جوباسىنىڭ ىسكە اسىرۋعا قولايلى بولاتىن باعىتتارى تالقىلاندى. تالقىلاۋ بارىسىندا بىرلەسكەن جۇمىس توبىن قۇرۋ شەشىمى قابىلداندى، جۇمىس توبىنا قىسقا مەرزىمدە استانانى جانە ورتالىق قازاقستاندى گازداندىرۋ ءۇشىن رەسەيدەن قازاقستانعا تارتىلاتىن ترانزيتتىك ماگيسترالدى گاز قۇبىرىن سالۋعا مۇمكىندىك بەرەتىن باعىتتاردى ازىرلەۋ تاپسىرىلدى»، - دەلىنگەن حابارلامادا.

وسى ورايدا، ترانزيتتىك ماگيسترالدى گاز قۇبىرىن سالۋ جوباسىن ءساتتى ىسكە اسىرۋ گاز سالاسىنداعى ەكىجاقتى ىنتىماقتاستىقتى بۇدان ءارى دامىتۋعا مۇمكىندىك بەرەتىندىگىن اتاپ ءوتۋ ماڭىزدى.

سونداي- اق تاراپتار كاسپي تەڭىزىندەگى جانە شەكارالاس كەن ورىندارىنداعى جەر قويناۋىن پايدالانۋ جوبالارىن ىسكە اسىرۋ ماسەلەلەرى بويىنشا اعىمداعى جاعدايدى تالقىلادى.

جالپى ايتقاندا تاراپتار گاز سالاسىنداعى ەكىجاقتى ىنتىماقتاستىق قاناعاتتانارلىق ەكەندىگىن اتاپ ءوتتى.

 ق. بوزىمبايەۆ قازاقستاندىق تاراپتىڭ بىرلەسكەن جوبالارداعى ۇزاقمەرزىمدى ارىپتەستىك قاتىناستاردى نىعايتۋ جانە كەڭەيتۋدى قولدايتىندىعىن اتاپ ءوتتى، سونداي- اق گاز سالاسىنداعى ەكى ەلدىڭ ىنتىماقتاستىق پوتەنسيالىن بۇدان ءارى تيىمدىرەك دامىتۋعا نيەتتىلىگىن ءبىلدىردى.

ەسكە سالا كەتسەك، 2016 -جىلى قازاقستان مەن رەسەي اراسىنداعى XIII  ءوڭىرارالىق ىنتىماقتاستىق فورۋمى اياسىندا ەكى ەلدىڭ مەملەكەت باسشىلارى 2016-2018 -جىلدارعا ارنالعان بىرلەسكەن ءىس- قيمىل جوسپارىنا قول قويعان بولاتىن.