جامبىل وبلىسىندا بايشەشەك پەن باقباق گۇلدەدى

تاراز. قازاقپارات - جامبىل وڭىرىندەگى قاتال قىس كوكتەمنىڭ ەرتە كەلۋىنە كەدەرگى كەلتىرمەدى، دەپ حابارلايدى «قازاقپارات» ح ا ا ءتىلشىسى.

 جامبىل وبلىسىنىڭ كەي جەرلەرىندە قار جاتسا، جان- جاعىن تاۋ قورشاعان تارازدا قار ەرىپ كەتكەن.

كۇننىڭ جىلى ساۋلەسىنەن كەيىن قالادا كوك شوپتەر كورىنىپ، ساياباقتاردا العاشقى باقباقتار مەن شەگىرگۇلدەر گۇلدەي باستادى. تارازدان 5-10 شاقىرىم قاشىقتىقتا دالادا جايقالعان بايشەشەكتەر كوزدىڭ جاۋىن الادى.

وسى اپتادا وڭتۇستىك قازاقستان وبلىسىندا دا بايشەشەك گۇلدەگەن.

«قازگيدرومەت» ر م ك وڭىرلىك بولىمشەسىنىڭ بولجامى بويىنشا، جامبىل وبلىسىندا وسى اپتانىڭ سوڭىنا دەيىن اۋا تەمپەراتۋراسى تۇندە 1+  6 +، كۇندىز 15+ گرادۋس جىلى بولادى دەپ كۇتىلۋدە.

ەلىمىزدىڭ كوپتەگەن وڭىرىندە قىس ءالى دە ءوز بيلىگىن جۇرگىزىپ تۇر. ال وڭتۇستىكتە كوكتەمنىڭ جارشىسى - بايشەشەك گۇلدەدى.

كۇن نۇرىن سەۋىپ، وڭىردە جايما- شۋاق كۇي ورناعان. اعاشتار ءبۇر جارىپ، جەر انانىڭ تامىرىنا قان جۇگىرە باستادى. كوكتەمدى جاقىنداتاتىن بايشەشەك ءوزىنىڭ نازىكتىگىمەن، سۇلۋلىعىمەن وڭتۇستىك تۇرعىندارىنا قۋانىش سىيلاعانداي.

كۇن رايىن بولجاۋشىلار تەك دەمالىس كۇندەرى عانا ەمەس، الداعى اپتادا دا كۇن جىلى بولاتىنىن ايتادى.

اقپاننىڭ 24- ءى مەن ناۋرىزدىڭ 2- ءسى ارالىعىندا وڭتۇستىك قازاقستان وبلىسىندا كۇندىز 12-دەن 17 گرادۋسقا جىلى بولادى. كەي جەرلەردە ازداعان جاۋىن- شاشىن بولۋى مۇمكىن. ال ءوڭىردىڭ سولتۇستىك اۋداندارىندا تۇندە 2+ دەن 7 + گرادۋس جىلىلىق ساقتالادى.