ءبىز قازاق حالقىنا بورىشتارمىز - ليۋدميلا لي
«قوعامدىق كەلىسىم» كمم ديرەكتورى ءۋاليحان يبرايەۆ، ەۆرەي ەتنومادەني بىرلەستىگىنىڭ جەتەكشىسى ليۋدميلا لي، «قازاقستان كارىستەر قاۋىمداستىعى» قىزىلوردا وبلىستىق فيليالى جەتەكشىسىنىڭ ورىنباسارلارى يۋريي كيم، ماتۆەي تسوي قازاق حالقىنىڭ ىقىلاسى مەن دارحان كوڭىلىنە ريزاشىلىقتارىن بىلدىرە وتىرىپ، العىس ايتۋ مەرەكەسىمەن قۇتتىقتادى.
«العىس ايتۋ مەرەكەسىنە 26 - اقپاننان 4 - ناۋرىزعا دەيىن وبلىستا 500 شارا ءوتىپ، 200 مىڭعا جۋىق ادام قاتىسادى دەپ كۇتىلۋدە»، - دەيدى «قوعامدىق كەلىسىم» كمم ديرەكتورى ۋ. سەرىك ۇلى.
ال، «قازاقستان كارىستەر قاۋىمداستىعى» قىزىلوردا وبلىستىق فيليالى جەتەكشىسىنىڭ ورىنباسارى يۋري فەدوروۆيچ: «قازاق حالقىنىڭ ىقىلاسى مەن دارحان كوڭىلىنىڭ ارقاسىندا ءبىزدىڭ دە كوسەگەمىز كوگەرىپ، ءوسىپ- ءونىپ جاتىرمىز. وتكەن عاسىردىڭ وتىزىنشى جىلدارى قازاقستاندى پانالاعان تالاي ەتنوستىڭ وكىلى سول ءبىر زوبالاڭداردان امان قالىپ، بۇگىندە قاناتىن كەڭگە جايدى. كارىس حالقى ءالىمساقتان ءوزىنىڭ ەڭبەكقورلىعىمەن، تاباندىلىعىمەن تانىلعان جۇرت. اشارشىلىق پەن قۋعىن- سۇرگىننەن ميلليونداعان قازاق قازا بولدى. الايدا وسىناۋ قاسىرەتپەن قاجىماي كۇرەسىپ، قۇندى قاسيەتتەرىن ساقتاي بىلگەن ۇلت وزگەنىڭ بالاسىن دا وزىندەي كوردى. ءبىز كارىس ەتنوسى قازاق جەرىنەن وزىمىزگە جايلى ورتا تاپتىق، وسىندا ءوسىپ- وندىك. وتكەن جىل قازاقستانداعى كارىستەر ءۇشىن ەرەكشە جىل بولدى. كارىستەردىڭ قيىر شىعىستان قازاق جەرىنە كۇشتەپ قونىس اۋدارىلعانىنا 80 جىل تولدى. قاراشا ايىندا سىر ەلىندەگى كارىس دياسپوراسى وسى ايتۋلى كۇندى اتاپ ءوتتى. وسى ورايدا، وزگە ەمەس، ءوزىم دەپ قابىلدايتىن قازاق ەلىنە العىس ايتامىز، - دەدى.
ەۆرەي ەتنومادەني بىرلەستىگىنىڭ جەتەكشىسى ليۋدميلا لي ءوز كەزەگىندە: «جالپى ءومىر جولىمداعى جەتكەن جەتىستىكتەرىم ءۇشىن قازاق ەلىنە، ونىڭ قوناقجاي حالقىنا باسىمدى ءيىپ وتەم. قازاقستاندى ءوزىمنىڭ وتانىم، وسكەن جەرىم دەي وتىرا، وسى ەلگە دەگەن سۇيىسپەنشىلىگىمدى جۇرەگىمنىڭ تورىندە ماڭگىلىككە ساقتايمىن. ءبىز قازاق حالقىنا شىنىندا بورىشتارمىز»، - دەپ جيىندى قورىتىندىلادى.
اۆتور: ەلۋباي اۋەزوۆ