مينيستر: «ءنولىنشى» سىنىپتى ەنگىزۋ نەگە ءبىر جىلعا شەگەرىلدى
«باعدارلامادا وزگەرىستەر بار. ءبىزدىڭ العاشقى جوسپارىمىزدا «ءنولىنشى» سىنىپتى ەنگىزۋ 2019 -جىلعا جوسپارلانعان بولاتىن. بۇگىنگى تاڭدا ءبىرىڭعاي باعدارلاما جانە مۇعالىمدەردى دايىنداۋ كەستەسى دايىن. وقۋلىقتار ساراپتامادان ءوتتى. ءبىراق، ول وقۋلىقتاردىڭ بارلىعى دا كيريلل قارپىمەن جازىلعان. ەندى 400 مىڭعا جۋىق بالاعا ءنولىنشى سىنىپتىڭ جاڭا وقۋلىقتارىن باسىپ شىعارۋ كەرەك بولىپ تۇر. لاتىن قارپىندەگى قازاق الىپبيىنە كوشۋگە بايلانىستى وقۋلىقتاردى ءبىرجولا لاتىنشا باسقان دۇرىس دەپ ەسەپتەيمىز. بۇل قارجى جاعىنان دا ءتيىمدى بولادى»، - دەدى مينيستر.
ەرلان ساعاديەۆتىڭ ايتۋىنشا، وقۋلىقتاردى دايىنداپ، ساراپتاما مەن اپروباتسيادان وتكىزۋ، مۇعالىمدەردى دايىنداۋ - بارلىعىنا ۋاقىت كەرەك.
«سوندىقتان، ءنولىنشى سىنىپقا 2020 -جىلى وتەمىز. سونداي وزگەرىستەر مەملەكەتتىك باعدارلاماعا ەنگىزىلدى»، - دەدى ول.
ەسكە سالا كەتەيىك، ەرلان ساعاديەۆ بۇعان دەيىن قازاقستاندا «ءنولىنشى» سىنىپ 2020 -جىلى ەنگىزىلەتىندىگى تۋرالى ايتقان بولاتىن.