كوشەربايەۆ: ناۋرىزدا باستىقتارعا ارناپ داستارحان جاياتىن ادەتتەن ارىلۋ كەرەك
وبلىس اكىمى قىرىمبەك كوشەربايەۆ اپپارات ماجىلىسىندە وسىلاي دەدى، دەپ حابارلايدى قازاقپارات ءتىلشىسى.
ءوڭىر باسشىسى قاتىسقان جيىندا ناۋرىز مەرەكەلەرىنىڭ ءمان-ماڭىزى، سىر ەلىندە قالاي تويلاناتىنى تۋرالى وبلىستىق ىشكى ساياسات باسقارماسىنىڭ باسشىسى ايدىن قايرۋللايەۆ بايانداپ بەردى.
كوكتەم مەرەكەلەرى كەزىندە قايىرىمدىلىق شارالارىن كوپتەپ ۇيىمداستىرۋ جوسپارلانىپ وتىر.
«باستىقتارعا ارناپ داستارقان جايىپ، ولار كەلگەندە عانا كيىز ءۇيدىڭ ەسىگىن اشاتىن ادەتتەن ارىلۋ كەرەك. ناۋرىز كوجەدەن كەز كەلگەن ادام ءدام تاتا الاتىن جاعداي جاسالۋى كەرەك. اس- اۋقات فۋرشەت ۇلگىسىندە دايىندالىپ، داستارقان بارىنە بىردەي جايىلۋى ءتيىس»، - دەدى وبلىس اكىمى.
ەسكە سالا كەتەيىك، كەشە س ق و اكىمى قۇمار اقساقالوۆ ناۋرىزدا كيىز ءۇيدى جاۋىپ الىپ، تاماق ىشكەندى قويۋ كەرەك دەگەن بولاتىن.