قازاقستاندىقتار قانداي موتوسيكلدەر مىنگەندى ۇناتادى
دەگەنمەن، وتكەن جىلى بۇل نارىقتىڭ دا 2016 -جىلمەن سالىستىرعاندا ازداپ كوتەرىلگەندىگى بايقالادى، دەپ حابارلايدى قازاقپارات.
قازاقستاننىڭ اۆتوبيزنەس قاۋىمداستىعى مالىمەتتەرىنە قاراعاندا، 2017 -جىلى ەلىمىزدە تىركەلگەن موتوسيكلدەردىڭ سانى العاش رەت 1501 گە جەتتى. بۇل ءبىر جىل بۇرىنعى كورسەتكىشتەن 41 موتوتسيكلگە ارتىق. جالپى تىركەلگەن موتوسيكلدەردىڭ سانى 2016 -جىلمەن سالىستىرعاندا 10,6 پايىزعا ارتىپ، 4411 بىرلىكتى قۇرادى.
قازاقستاندا ساتىلعان سۋ جاڭا موتوتەحنيكالاردىڭ ىشىندە Racer برەندىمەن شىعاتىن RC250 دەپ اتالاتىن رەسەيلىك- قىتايلىق بايك كوش باستاپ تۇر. وتكەن جىلى بۇل موتوسيكلدىڭ 204 بىرلىگى تىركەۋگە الىنعان. ودان كەيىنگى ورىندا - Honda CBR600 (97 بىرلىك). ۇزدىك ۇشتىكتى رەسەيلىك Ural موتوتسيكلى (96 بىرلىك) تۇيىقتايدى.
ال ەكىنشى نارىقتا ەڭ كوپ ساتىلعان موتوسيكلدەردىڭ ىشىندە جاپون تەحنيكاسىنا سۇرانىس باسىم. 2017 -جىلى ىشكى ىستەر مينيسترلىگىنىڭ ورگاندارى 800 Honda, 738 Yamaha, 436 Suzuki, 420 Racer، 291 Kawasaki موتوسيكلىن تىركەگەن.
وتكەن جىلى تىركەلگەن موتوتسيكلدەردىڭ 60 پايىزعا جۋىعى (2296 بىرلىك) 10 جىل بۇرىن شىعارىلعان. ال شىعارىلعانىنا 3 پەن 10 جىل ارالىعىنداعىلار - 1017، 3 جىلعا دەيىنگىلەر 1091 بىرلىكتى قۇرايدى.
فوتو: moto.drom.ru