قىتاي پارلامەنتىنە ارميا وكىلى رەتىندە تۇڭعىش رەت قازاق ايەلى دەپۋتات بولىپ سايلاندى
شينحۋا اگەنتتىگىندە جاريالانعان دەپۋتاتتاردىڭ تولىق تىزىمىنە قىتايدا تۇراتىن قازاق ۇلتىنىڭ 6 وكىلى كىردى. ولاردىڭ بەسەۋى شىنجاڭ-ۇيعىر اۆتونوميالىق ولكەسىنەن، بىرەۋى قىتاي حالىق-ازاتتىق ارمياسىنىڭ وكىلى رەتىندە سايلاندى. ونىڭ ەسىمى - ماقپال، تەگى جاريالانباي وتىر.
ايتا كەتەيىك، قىتاي حالىق-ازاتتىق ارمياسىنىڭ وكىلى رەتىندە قازاق ايەلدىڭ دەپۋتات بولىپ سايلانۋى قىتاي تاريحىندا تۇڭعىش رەت تىركەلىپ وتىر. ال بۇعان دەيىنگى 12-شاقىرىلىمعا شىنجاڭ ولكەسىنەن 5 قازاق دەپۋتات سايلانعان بولاتىن.
ەسكە سالا كەتسەك، 24 -اقپان كۇنى بۇكىلقىتايلىق حالىق قۇرىلتايىنىڭ 12-كەزەكتى تۇراقتى كوميتەتى بارلىق 2980 دەپۋتاتتىڭ ءتىزىمىن بەكىتتى. 13-شاقىرىلىم وكىلەتتىگى 2018 -جىلعى ناۋرىزدان 2023 -جىلعا دەيىن سوزىلادى. داۋىس بەرۋ ەل بويىنشا اشىلعان 35 سايلاۋ ۋچاسكەسىندە ءجۇرىپ، قىتايدا ءومىر سۇرەتىن 55 ۇلتتان 438 دەپۋتات سايلاندى.
بۇكىل قىتايلىق حالىق قۇرىلتايى 13-كەزەكتى تۇراقتى كوميتەتىنىڭ ءبىرىنشى جالپى ءماجىلىسى 5 -ناۋرىز كۇنى بەيجىڭ قالاسىندا وتەدى.
فوتو: pakchinanews.pk
اۆتور: مۇحتار قاليموللا ۇلى