داريعا نازاربايەۆا باستاعان دەلەگاتسيا - ماسكەۋدە
ءۇش كۇندىك ساپار بارىسىندا رەسەيلىك ارىپتەستەر جانە رەسمي تۇلعالارمەن ءبىرقاتار كەزدەسۋلەر وتكىزۋ كوزدەلگەن.
25 - اقپاندا ق ر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەلەرى يۋ. ا. گاگارين اتىنداعى عارىشكەرلەر دايىنداۋ عىلىمي- زەرتتەۋ سىناق ورتالىعىنا باردى. وندا ورتالىقتىڭ باسشىلىعىمەن كەزدەسىپ، جاتتىعۋ بازاسىمەن تانىستى، يۋري گاگاريننىڭ ەسكەرتكىشىنە گۇل قويدى.
بۇگىن قازاقستاندىق سەناتورلار رەسەيلىك ارىپتەستەرىمەن - ر ف فەدەرالدىق جينالىسى فەدەراتسيا كەڭەسىنىڭ ءتوراعاسى ۆالەنتينا ماتۆيەنكومەن، سونداي- اق رف فەدەراتسيا كەڭەسى ءتوراعاسىنىڭ ورىنباسارى يلياس ۋماحانوۆپەن كەزدەسەدى. تاراپتار ەكىجاقتى ىنتىماقتاستىقتىڭ دامۋىن، حالىقارالىق جانە وڭىرلىك قاۋىپسىزدىكتىڭ وزەكتى تۇستارىن، حالىقارالىق پارلامەنتتىك ۇيىمدار اياسىنداعى جۇمىستاردى ۇيلەستىرۋ مەن ءوزارا ارىپتەستىك ماسەلەلەرىن تالقىلايدى.
27 - اقپاندا قازاقستاندىق دەلەگاتسيا ر ف مەملەكەتتىك دۋما ءتوراعاسى ۆياچەسلاۆ ۆولودين جانە ە ە ك القاسىنىڭ ءتوراعاسى تيگران ساركيسيانمەن جۇزدەسەدى.