استانادا قوماقتى كولەمدە دوللار ۇستاعان قىرعىزستاندىق ۇستالدى

استانا. قازاقپارات - قىرعىزستان ازاماتى قازاقستان ارقىلى تۇركياعا دەكلاراتسيالانباعان اقشا الىپ وتپەك بولعانى ءۇشىن ۇستالدى، دەپ حابارلايدى قازاقپارات.

ق ر ۇ ق ك شەكارا قىزمەتى تاراتقان مالىمەتكە سايكەس، «نۇرسۇلتان نازاربايەۆ» حالىقارالىق اۋەجايى وتكىزۋ بەكەتىنىڭ شەكارا كەزەكشىلىگى «استانا- ىستامبۇل» باعىتىنداعى رەيستەن قىرعىزستاننىڭ 30 جاستاعى ازاماتىن 27 مىڭ دوللاردان استام دەكلاراتسيالانباعان اقشا قاراجاتىمەن ۇستادى. شەتەلدىك ازاماتتىڭ ۇستالعاندىعى تۋرالى اقپارات ءوزارا ءىس-قيمىل جاساۋشى ورگاندارعا حابارلاندى.

 

فوتو: vox.com