قورعانىس وندىرىسىنە جاڭا مەحانيزمدەر ەنگىزىلەتىن بولادى
القا جۇمىسىنا ەلباسىنىڭ كومەكشىسى - قازاقستان رەسپۋبليكاسى قاۋىپسىزدىك كەڭەسىنىڭ حاتشىسى ۆلاديمير جۇماقانوۆ، ق ر پارلامەنتىنىڭ دەپۋتاتتارى، ق ر قورعانىس جانە ايەروعارىش ونەركاسىبى مينيسترلىگىنىڭ جانە باسقا دا مەملەكەتتىك ورگان، باعىنىستى ۇيىمدار مەن كاسىپورىندار باسشىلىعى قاتىستى، دەپ حابارلايدى قورعانىس جانە ايەروعارىش ونەركاسىبى مينيسترلىگىنىڭ باسپا ءسوز قىزمەتى.
بۇگىنگى تاڭدا مينيسترلىك ەلدىڭ قورعانىسى مەن قاۋىپسىزدىگىن ءتيىمدى تۇردە ىسكە اسىرۋعا مۇمكىندىك بەرەتىن سالانىڭ نورماتيۆتىك- قۇقىقتىق بازاسىن قالىپتاستىرۋ جۇمىستارىن جۇرگىزىپ جاتىر.
مەملەكەتتىك قورعانىستىق تاپسىرىستى قالىپتاستىرۋدىڭ جاڭا مەحانيزمدەرىن رەتتەيتىن جانە وتاندىق قورعانىس- ونەركاسىپ كەشەنىن قولداۋ شارالارىن قاراستىراتىن «قورعانىس ونەركاسىبى جانە مەملەكەتتىك قورعانىستىق تاپسىرىس» زاڭىنىڭ جوباسى ق ر پارلامەنتىنە قاراۋعا ەنگىزىلدى.
2018 -جىلدان باستاپ قورعانىس مينيسترلىگىنىڭ قورعانىستىق تاپسىرىس بيۋدجەتى ق ر ق ا ءو م وتەدى. بۇل الەۋەتتى ورگانداردى وزىنە ءتان ەمەس فۋنكسيالاردان بوساتادى جانە قورعانىس- ونەركاسىپ كەشەنى كاسىپورنىنىڭ ىلگەرىلەمەلى دامۋىن قامتاماسىز ەتەدى.
قورعانىس پەن قاۋىپسىزدىكتى قامتاماسىز ەتۋ ءۇشىن مەملەكەتتىڭ جاڭا تەحنولوگيالىق مۇمكىندىكتەرىن قۇرۋعا باعىتتالعان سالانىڭ تۇجىرىمدامالىق نەگىزدەرى جۇزەگە اسىرىلۋدا.
مينيسترلىكتىڭ باستى جۇمىس باعىتتارى قاتارىنا ق ر قورعانىس پەن ۇلتتىق قاۋىپسىزدىك سالاسىنداعى ماسەلەلەردى شەشۋ ءۇشىن قارۋ- جاراقتىڭ جاڭا جانە پەرسپەكتيۆتى تۇرلەرىن، تەحنيكانى ءوندىرۋدىڭ جانە قىزمەتتەردى كورسەتۋدىڭ تولىق تسيكلىن باسقارۋى دا جاتادى.