كوكشەتاۋ تۇرعىنى تەلەفونىنداعى مالىمەتتەردى وشىرمەي ساتىپ جىبەرىپ، اقشاسىنان ايىرىلدى

 استانا. قازاقپارات - كوكشەتاۋ قالاسىنىڭ تۇرعىنىن كيۆي- ءاميان ارقىلى توناپ كەتكەن الاياق قولعا ءتۇستى.

پوليتسيا قىزمەتكەرلەرىنىڭ ايتۋىنشا 5 - اقپان كۇنى كوكشەتاۋ ءى ءى ب كەزەكشىلىك بولىمىنە جەرگىلىكتى تۇرعىن حابارلاسىپ، كومەك سۇراعان. بەلگىلى بولعانداي قالا تۇرعىنىنىڭ كيۆي- ءاميانىنداعى 50 مىڭ تەڭگەنى بەلگىسىز بىرەۋلەر شەشىپ العان.

بۇل تۋرالى اقمولا وبلىسى ءى ءى د باسپا ءسوز قىزمەتىنە سىلتەپ، Stan.kz اقپاراتتىق اگەنتتىگى حابارلايدى.

كەيىن قىزدىڭ بىرنەشە كۇن بۇرىن كوكشەتاۋ قالاسىندا تۇراتىن جاس جىگىتكە ۇيالى تەلەفونىن ساتقانى انىقتادى. قىز بارلىق جەكە شوتتارىنىڭ قۇپيا تاڭباسىن ۇيالى تەلەفوندا ساقتاپ، ءوشىرۋدى ۇمىتىپ كەتكەن. ال وسى مۇمكىندىكتى قۇر جىبەرمەگەن قىلمىسكەر ونى ءوز پايداسىنا جاراتقان.

قازىر كۇدىكتى دەپ 22 جاستاعى جىگىت ۇستالدى. پوليتسيا قىزمەتكەرلەرى ق ر ق ك 190 - بابى 2 - بولىگى (الاياقتىق) بويىنشا سوتقا دەيىنگى تەرگەۋ جۇرگىزىپ جاتىر.

قۇقىق قورعاۋ ورگاندارى حالىقتان قاراپايىم قاۋىپسىزدىك ەرەجەلەرىن ساقتاپ، ەش ۋاقىتتا بوگدە ادامعا قۇپيا تاڭبا، ەسەپشوت ءنومىرى سياقتى جەكە اقپاراتتاردى بەرمەۋدى سۇرايدى.

 ولار ۇيالى تەلەفون ارقىلى جەكە كۋالىكتىڭ، كۆيتانتسيالار مەن ەسەپشوتتىڭ كوشىرمەسىن سۋرەتكە ءتۇسىرىپ نەمەسە حات ارقىلى جىبەرمەۋ كەرەك دەپ ەسكەرتتى. قانداي سىلتاۋ ايتسا دا بەلگىسىز ادامدارعا اقشا اۋدارۋعا بولمايدى. پوليتسيا قىزمەتكەرلەرى الاياقتاردىڭ قۇربانى بولعان جاعدايدا، ىشكى ىستەر ورگاندارىنا حابار بەرۋگە كەڭەس بەردى.