استانادا جولاۋشىلار اۆتوبۋسى اپاتقا ۇشىرادى - فوتو

استانا. قازاقپارات - استاناداعى تۇران داڭعىلىدا «Chevrolet Cruze» ماركالى جەڭىل كولىك اۆتوبۋسپەن سوقتىعىستى، دەپ حابارلايدى «قازاقپارات» ح ا ا ءتىلشىسى.

«وقيعا جەرگىلىكتى ۋاقىتپەن 8.42-دە بولعان. №46 باعىتىنىڭ اۆتوبۋسى تۇران داڭعىلىنىڭ بويىمەن 40 ك م/ساعات جىلدامدىقپەن «استانالىق پارك» ايالداماسى ماڭىندا (Wialon Pro باعدارلاماسىنا سايكەس) كەلە جاتقان. بەلگىلەنگەن Bus Lane جولاعىندا Chevrolet Cruze ماركالى جەڭىل اۆتوموبيلمەن سوقتىعىسقان»، - دەپ حابارلادى «Astana LRT» ا ق باسپا ءسوز قىزمەتى.

الدىن الا دەرەك بويىنشا، اۆتوبۋستا ەشكىم زارداپ شەكپەگەن. الايدا، جەڭىل كولىكتەگى جولاۋشىلار اۋرۋحاناعا جەتكىزىلگەن.