مايعازيەۆتىڭ اناسى كەلىنىنىڭ جۇكتى ەكەنىن ءتۇس كورىپ بىلگەن
باستاپقىدا وتباسىنداعى جاعىمدى جاڭالىق جايلى ەشبىر جانعا ءتىس جارماۋعا بەكىنگەن ەكەن. دەسەك تە حالىقتىڭ باتاسىن الۋ ماقساتىندا كوپشىلىكتىڭ حاباردار بولعانىن قالاپتى. تىلشىگە ەكسكليۋزيۆتى سۇحبات بەرگەن ءانشى بۇرىن-سوڭدى ەشبىر جەردە ايتپاعان تىڭ اقپاراتتارمەن ءبولىستى.
«قازاقتا ءتىل بار، كوز بار. سودان قاشقاقتاپ، 4-5 اي تولسىن، ازىرگە كۇتە تۇرايىق دەپ شامالى جاسىرىپ جۇردىك. سوڭىندا حالىقتان ءسۇيىنشى سۇراۋدى ءجون دەپ شەشتىك. نەگىزى مەن جۇبايىمدى، بالا-شاعامدى جاسىرمايمىن. مەنىڭ وقىرماندارىمنىڭ كوبىسى تىلەۋقور. ءبىر-بىرىمىزگە دۇعا تىلەپ وتىرامىز. مەن ءۇشىن دە كوپ ادام جاقسى تىلەكتە دەپ ويلايمىن. سوندىقتان مەن بالا- شاعامدى كورسەتۋدەن، جاقسى جاڭالىقتارىممەن بولىسۋدەن ەشقاشان قورىقپايمىن. ويتكەنى حالقىم تىلەكشى»، - دەيدى ساكەن مايعازييەۆ.
ءتورتىنشى پەرزەنتىنىڭ اتۇستار نەمەسە بۇرىمدى بولاتىنىن ساكەن مىرزا ازىرگە سىر قىلىپ ساقتاپ وتىر. جانۇياسىنداعى جاعىمدى جاڭالىقتان قىزدارى رايانا مەن ءماريام بەيحابار بولسا، تۇڭعىشى ادىلەتتىڭ قۋانىشىندا شەك جوق!
«ۇل ما، قىز با اللا بىلەدى. ۇل بەرسە دە، قىز بەرسە دە قايىرلىسىن بەرسىن. اقىلدى، ءبىلىمدى، دەنى ساۋ، پاراساتتى پەرزەنت بەرگەنىن قالايمىز. ۇلىم 4- مارتە بالالى بولاتىنىمىزدى ەكى ايدان اسقاندا بىلە باستادى. ادىلەت اقىل توقتاتتى عوي. قاتتى قۋاندى. باۋىرى بولسا دا، قارىنداسى بولسا دا قاتتى كۇتىپ ءجۇر. ويتكەنى ەكى ءتاتتى قارىنداسى ارقىلى قىزدىڭ قانداي جاقسى، مەيىربان ەكەنىن بىلەدى»، - دەيدى «مۋزارت» توبىنىڭ ءانشىسى.
مايعازيەۆ العاشقىدا جۇبايىنىڭ جۇكتى ەكەنىن اناسىنا دا ايتپاعان. ءبىر قىزىعى تىلسىم كۇشتىڭ اسەرىمەن، اقجاۋلىقتى اجە نەمەرەلى بولاتىنىن ءبىلىپ قويعان كورىنەدى.
«سەنەسىز بە؟ مەنىڭ انام تۇسىندە كورىپ قويىپتى. تۇسىنە اكەم مارقۇم كىرىپ: «كەلىنىڭ جۇكتى بولدى عوي. دەنساۋلىعى قالاي؟ حاباردارسىڭ با؟» - دەگەن. اللا تاعالا تىلسىم دۇنيە ارقىلى جەتكىزىپ تۇر عوي. ءتورت ايعا تولعاندا ديناراعا انام حابارلاسىپ: ء«تۇس كوردىم. قالاي؟ راس پا؟» - دەپ. ءسويتىپ انامىزدان ءسۇيىنشى سۇرادىق. سول كەزدە ازىلدەپ كۇلدىك. ءسىزدىڭ جۇرەگىڭىزدىڭ ىشىندەگى جۇرەگىڭىز سىزدەن ءسۇيىنشى سۇراپ قويىپتى عوي. بىزدە ايتايىق ەندى دەپ، جاڭالىعىمىزبەن بولىستىك»، - دەيدى مايعازيەۆ.
ساكەن كوپ بالالى اتا-انا اتانساق دەگەن نيەتتە. ءتورتىنشى ءسابيىن كۇتىپ جۇرگەن ءانشى، مايعازييەۆتەر اۋلەتىندەگى شىلدەحانا تويىنىڭ دا ۋاقىتىن ايتىپ قالدى.
«اللا تاعالادان وزىپ ەشتەڭە ايتا المايمىز. قۇداي قالاسا وسى جىلدىڭ مامىر ايىندا دەپ نيەتتەنىپ وتىرمىز»، - دەپ ساكەن قىسقا عانا قايىردى.
ايتا كەتەيىك، ساكەن مەن دينارانىڭ تۇڭعىشى ادىلەت 20 جاستا. ۇلگىلى وتباسىنىڭ ۇلكەن قىزى رايانا 2013- جىلى دۇنيەگە كەلسە، كىشىسى ءماريام بۇگىندە ەكى جاستان استى.
Stan.kz