ەليزابەت تۇرسىنبايەۆا جارىستان كەيىنگى اسەرىمەن ءبولىستى
«مەن بۇگىنگى ەركىن باعدارلامادا ءوزىم جوسپارلاعان مەجەدە ونەر كورسەتتىم. جارىسقا جاڭا كويلەكپەن، جاڭا مۋزىكامەن شىقتىم. بارلىق تالاپتاردى شامام كەلگەنشە ورىنداۋعا تىرىستىم. ءبىر رەت قۇلاپ قالعانىم بولماسا، قاتەلىكتەرگە كوپ بوي الدىرعان جوقپىن. بۇل - وليمپيادا ويىندارى. بۇكىل الەم كوز تىگىپ وتىر، سول ءۇشىن ازداپ قوبالجۋ دا بولدى»، - دەپ اتاپ ءوتتى تۇرسىنبايەۆا.
سونداي-اق، ءوزىنىڭ بۇل وليمپيادادا ۇزدىك وندىقتىڭ قاتارىنا كىرۋ باستى ماقساتى بولعانىن دا جاسىرمادى.
«باستى ماقساتىم ۇزدىك ون سپورتشىنىڭ قاتارىنان كورىنۋ بولاتىن. ەندى جارىستىڭ سوڭىنا دەيىن كۇتەمىز. وندىققا كىرىپ جاتسام سونىڭ ءوزى مەن ءۇشىن ۇلكەن جەتىستىك. سەبەبى، مەن جاراقاتتان كەيىن جارىسقا شىعىپ وتىرمىن. ەڭ باستىسى وليمپيادادا قازاق قىزدارى بار ەكەنىن كورسەتە بىلدىك»، - ول.
ەستەرىڭىزگە سالا كەتەيىك، ەليزابەت تۇرسىنبايەۆا بۇگىن ەركىن باعدارلامادا سىنعا ءتۇسىپ، قوس سايىس قورىتىندىسى بويىنشا 177.12 ۇپاي ەنشىلەدى.
اۆتور: كۇنسۇلتان وتارباي