ەسترادا جانە كينو جۇلدىزدارى ۇلتتىق مۋزەيدە تانىستىرۋشى بولدى
«جۇلدىزدى گيد» جوباسىنا ق ر ەڭبەك سىڭىرگەن قايراتكەرلەرى - ايگۇل يمانبايەۆا، ايگۇل قوسانوۆا، ارداق بالاجانوۆا، جەڭىس ىسقاقوۆا، ءانشى دوس، تەاتر جانە كينو ارتىستەرى - داۋرەن سەرعازين مەن نۇركەن وتەۋىلوۆ قاتىستى. ولار مۋزەيگە كەلۋشىلەردى ەلىمىزدىڭ تاريحى، مادەنيەتى جانە داستۇرىمەن تانىستىردى، ال كەلۋشىلەر تانىمال ونەر قايراتكەرلەرىن جاڭا قىرىنان تانۋعا مۇمكىندىك الدى.
«جۇلدىزدى گيد» 21 -اقپاندا اتالىپ وتىلەتىن دۇنيەجۇزىلىك ەكسكۋرسيا جۇرگىزۋشىلەرى كۇنىنە ورايلاستىرىلعان. وزدەرىنىڭ كاسىپتىك مەرەكەسىن العاش رەت 1990 -جىلى لوندون قالاسىنىڭ گيدتارى اتاپ وتكەن بولاتىن.
جوبا بيىل ۇلتتىق مۋزەيدە ءۇشىنشى رەت وتكىزىلدى. وعان بۇعان دەيىن التىناي جورابايەۆا، قاراقات ءابىلدينا، مارجان اراپبايەۆا، قالقامان سارين، ءادىل احمەتوۆ قاتارلى ونەر مايتالماندارى قاتىستى.