استانادا ايەلدەر كۇرەسى اكادەمياسى اشىلدى

استانا. قازاقپارات - بۇگىن استانادا ايەلدەر كۇرەسى اكادەمياسى اشىلدى، دەپ حابارلايدى قازاقپارات.

اكادەميانىڭ اشىلۋ سالتاناتىنا ۇلتتىق وليمپيادا كوميتەتى پرەزيدەنتىنىڭ كەڭەسشىسى باقىتجان وردابايەۆ، ايەلدەر كۇرەسى بويىنشا ۆيتسە- پرەزيدەنت گۋزەل مانيۋروۆا، ق ر گرەك- ريم، ەركىن جانە ايەلدەر كۇرەسى فەدەراتسياسىنىڭ باس حاتشىسى اناتوليي ۆولوحا قاتىستى.

سونىمەن قاتار، ايتۋلى شاراعا بوكستان لوندون وليمپياداسىنىڭ چەمپيونى سەرىك ساپيەۆ پەن ريو وليمپياداسىنىڭ كۇمىس جۇلدەگەرى ۆاسيلي ليەۆيت، جەڭىل اتلەتيكادان سيدنەي وليمپياداسىنىڭ جەڭىمپازى ولگا شيشيگينا سىندى ەل سپورتىنا ەڭبەگى سىڭگەن سپورتشىلارىمىز كەلىپ، بويجەتكەندەرگە ارنالعان اكادەميانىڭ تىنىس- تىرشىلىگىمەن تانىسىپ، جوعارى باعاسىن بەردى.

سپورتتىق كەشەننىڭ اشىلۋىنا سپورتتىق جەكپە- جەك جانە كۇش قولدانىلاتىن سپورت تۇرلەرى كونفەدەراتسياسى، ق ر گرەك- ريم، ەركىن جانە ايەلدەر كۇرەسى فەدەراتسياسى مۇرىندىق بولعان.

فەدەراتسيا باسشىلارىنىڭ ايتۋىنشا اكادەميادا بالۋاندارعا ارنالعان ارنايى اسحانا، جاتىن ورىندارى، جاتتىعۋ زالى، دەمالىس بولمەلەرى قاراستىرىلعان. ءبىر سوزبەن ايتقاندا، بويجەتكەندەرىمىزدىڭ الاڭسىز دايىندالۋىنا فەدەراتسيا تاراپىنان بارلىق جاعداي جاسالعان.

اكادەميانىڭ اشىلۋ سالتانانىن كەيىن قايرات ساعاديەۆ باپتايتىن قازاقستاننىڭ ايەلدەر قۇراماسى العاشقى جاتتىعۋلارىن باستاپ كەتتى.

ەستەرىڭىزگە سالا كەتەيىك، اقپاننىڭ 27- ءسى مەن ناۋرىزدىڭ 4- ءى ارالىعىندا قىرعىزستاننىڭ بىشكەك قالاسىندا كۇرەس تۇرلەرىنەن ازيا چەمپيوناتى وتەدى.

فوتو: www.wrestling.kz

اۆتور: قانات مامەتقازى ۇلى