قازاقستان ەۋروپالىق وداققا ورتالىق ازياداعى ءرولىن كۇشەيتۋدى ۇسىندى
ول قازاقستاننىڭ جەكە كاسىپكەرلىك، شاعىن جانە ورتا بيزنەس بويىنشا بىرلەسكەن جۇمىسىنىڭ قايتا جاڭارۋىن كورگىسى كەلەتىنىن جەتكىزدى.
«ءبىز ەۋروپالىق وداققا ورتالىق ازيانىڭ ءتۇرلى جوبالارىنا جەكە ەۋروپالىق كاپيتالدى تارتۋعا كومەكتەسەتىن جاڭا مەحانيزمدەر جاساپ شىعارۋدى ۇسىنامىز. بۇل ەۋروپالىق كومپانيالاردىڭ وڭىرلىك نارىققا شىعۋىنا جاڭا مۇمكىندىكتەر اشادى جانە وڭىردەگى ە و ءرولىن كۇشەيتەدى»، - دەدى سىرتقى ىستەر ءمينيسترى ە و مەن ورتالىق ازيا قاتىناستارىنىڭ 25 جىلدىعىنا ارنالعان كەزدەسۋدە.
مينيستر قازاقستان ورتالىق ازيانىڭ جاي عانا ترانزيتتىك ءوڭىرى بولىپ قالماۋى كەرەك دەگەن پىكىردە. ورتالىق ازيا ەلدەرىنىڭ ەكونوميكاسىن ءتيىمدى ءارتاراپتاندىرۋ ءۇشىن جانە سۇرانىسقا يە جوعارى تەحنولوگيالى وندىرىستەردى قۇرۋ ءۇشىن ە و تاجىريبەسىن قولدانۋ قاجەت.
سونىمەن بىرگە، قازاقستان سيفرلاندىرۋدا، ەكولوگيا، سۋ رەسۋرستارى، ادام قۇقىقتارى جانە زاڭنىڭ ۇستەمدىك قۇرۋى ماسەلەلەرىندە جاڭا تاجىريبەلەردى قولدانۋعا مۇددەلى.
ودان بولەك، قازاقستان اۋعانستاننىڭ تۇراقتالۋىنا قولداۋ كورسەتۋدى جالعاستىرۋدى ۇسىندى.
«جالپى العاندا ءبىز ەۋروپالىق وداقتى جاڭا ستراتەگيا اياسىندا ورتالىق ازياداعى ءرولىن كۇشەيتۋگە شاقىرامىز»، - دەپ تۇيىندەدى ءسوزىن قايرات ءابدىراحمانوۆ.
ءوز كەزەگىندە ورتالىق ازيا بويىنشا ە و وكىلى پەتەر بۋريان اتالعان ۇسىنىستاردى ماقۇلدادى.
اۆتور: ايجان سەرىكجان قىزى