دانيار اقىشيەۆ زەينەتكەرلەرگە نەگە نەسيە الۋعا بولمايتىنىن ءتۇسىندىردى

الماتى. قازاقپارات - ق ر ۇلتتىق بانكىنىڭ باسشىسى دانيار اقىشيەۆ الماتىدا ءوتىپ جاتقان ونلاين- كونفەرەنسيا بارىسىندا زەينەتكەرلەرگە نەگە نەسيە الۋعا بولمايتىنىن ءتۇسىندىردى، دەپ حابارلايدى قازاقپارات ءتىلشىسى.

ونىڭ ايتۋىنشا، نەسيە الۋدى شەكتەۋ تۋرالى نۇسقاۋلىق تەك قانا زەينەتكەرلەرگە قاتىستى بولعان.

«زەينەت جاسىنداعى ادام نەسيە السا، ول ءوزىنىڭ زەينەتاقىسىنان تولەيدى. مەملەكەتكە تاۋەلدى ادام اقشاسىن نەسيەگە بەرسە، وزىندە ەشتەڭە قالمايدى. سوندىقتان، زەينەتكەرلەرگە نەسيە الۋعا كەڭەس بەرمەيمىز. بۇدان وزگە ستۋدەنتتەر نەسيە السا، ول كەز كەلگەن ۋاقىتتا جۇمىس جاساپ، اقشانى قايتارا الادى. بۇل مۇلدە بولەك ساناتتاعى ادامدار»، - دەدى ول.

اۆتور: گۇلميرا عوسمانالي