مەملەكەت باسشىسىنىڭ سىن-پىكىرى ورىندى - ق ر ۇلتتىق بانكىنىڭ ءتوراعاسى

الماتى. قازاقپارات - ق ر ۇلتتىق بانكىنىڭ ءتوراعاسى دانيار اقىشەۆ مەملەكەت باسشىسىنىڭ قارجى ينستيتۋتىنىڭ جۇمىسىنا قاتىستى ايتقان سىن- پىكىرى تۋرالى تۇسىنىكتەمە بەردى، دەپ حابارلايدى قازاقپارات ءتىلشىسى.

دانيار اقىشەۆ ەلباسىنىڭ سىنى وتە ورىندى ەكەنىن ايتتى.

«ۇلتتىق بانك 2008-2009 -جىلداردان بەرى قوردالانعان ماسەلەلەردى شەشۋدە قارجىلىق رەتتەۋشى رەتىندە كەشىگىپ قالعانى راس. ستاتيستيكا كورسەتكەندەي، ناشار كرەديتتەر پورتفەلىنىڭ 90 پايىزى 2006 -جىلدان باستاپ بەرىلگەن. ياعني، نەسيە رەسۋرستارىن دۇرىس باسقارماعان بانكتەردىڭ جۇمىسى بىرنەشە جىل بويى قوردالانا كەلە جاقىندا عانا جاريا بولدى»، - دەدى ۇلتتىق بانك باسشىسى.

اقىشەۆ بۇل تۇيتكىلدى ماسەلەلەر ەندى قايتالانبايتىنىن ايتتى.

«داعدارىس قايتالانباس ءۇشىن ۇلتتىق بانك بانكتەردىڭ جاعدايى ناشارلاعان كەزدە پريەۆەنتيۆتى ارەكەت ەتۋ قۇرالدارىن جەتىلدىرمەك. ءبىز ۇلتتىق بانكتىڭ باقىلاۋ فۋنكسيالارىن كۇشەيتەتىن زاڭ جوباسىن جاسادىق. بۇل زاڭدى ءقازىر جان- جاقتى تالقىلاپ جاتىرمىز»، - دەدى اقىشەۆ.