الماتى حايۋاناتتار باعىنا كىرۋ ءۇشىن ءبىر قاپ اعاش قابىعىن اكەلىپ بەرۋگە بولادى
بۇل تۋرالى مەكەمە ديرەكتورى ەرجان ەركىنبايەۆ ايتتى.
«كەرىكتەردى ءوز قولىمەن تاماقتاندىرىپ، اسا قاۋىپتى جىلانداردىڭ (ءابجىلان، مامبا، ىسىلداعىش ۋلى جىلاندار جانە تاعى باسقالارى) جابىق كوللەكسياسىن كورگىسى كەلەتىندەردىڭ بارلىعىنا حابارلايمىز: اعاشتىڭ ءبىر قاپ قابىعى ءۇشىن سىزدەرگە ەكسكليۋزيۆتى باعدارلاما ۇسىنۋعا دايىنبىز. بىزگە جانۋارلار ۇستالاتىن جەردىڭ كافەلدى ەدەنىنە اعاش قابىقتارىن توسەۋ كەرەك بولىپ جاتىر»، - دەپ جازدى ە. ەركىنبايەۆ ينستاگرامداعى پاراقشاسىنا.
«جانۋارلار كافەلدە نەمەسە بەتوندا جاتپاۋى ءتيىس. بۇل ولاردىڭ دەنساۋلىعىنا زيان! بۇل ءوتىنىشىمىزدى تانىستارىڭىز بەن دوستارىڭىزعا جەتكىزۋگە كومەكتەسىڭىزدەر»، - دەدى ول.
زووباق ديرەكتورى مەيىرىمدى جاندارعا الدىن الا العىس ءبىلدىرىپ، اعاش قابىقتارى باۋ-باقشاعا ارنالعان دۇكەندەردە ساتىلاتىنىن ايتىپ ءوتتى.