بۋرابايدا ەلىمىزدىڭ جاس پاتريوتتارى باس قوسۋدا
فورۋمعا قازاقستاندىق جاس پاتريوتتار اكادەمياسىنىڭ مۇشەلەرى، دەلەگاتسيا جەتەكشىلەرى، «رۋحاني جاڭعىرۋ» باعدارلاماسىنىڭ مەنەدجەرلەرى، ەرلىكپەن تانىلعان وقۋشىلار، پاتريوتتىق تاربيە بويىنشا «مەن - ءوز ەلىمنىڭ ازاماتىمىن!» اتتى رەسپۋبليكالىق بايقاۋدىڭ جەڭىمپازدارى قاتىساتىن بولادى.
ورتالىق ديرەكتورى مۇحيتدين تولەپبايدىڭ ايتۋىنشا، فورۋمعا قاتىسۋشىلاردىڭ العاشقى لەگى بۋرابايعا كەلىپ جاتىر. قاتىسۋشىلار توپتارعا ءبولىنىپ جايعاستىرىلۋدا. ولارعا ءتۇرلى مادەني، سپورتتىق شارالار قاراستىرىلعان. جالپى، فورۋمعا 187 بالا مەن 34 ەرەسەك قاتىسادى دەپ جوسپارلانعان.
«بۇگىنگى كۇنى ەلىمىزدە پاتريوتيزم جانە ازامات تاربيەلەۋ يدەياسىنىڭ قوعامدىق ماڭىزى ارتىپ، مەملەكەتتىك ماڭىزداعى تاپسىرماعا اينالىپ وتىرعان جايى بار. ويتكەنى، بۇگىنگى جاستار قازاقستاننىڭ جارقىن بولاشاعى. سوندىقتان، ەلىمىزدىڭ ەڭ اسەم جەرى بۋراباي باۋرايىندا وسىنداي يگى شارانى وتكىزۋدىڭ ماڭىزى مەن ءمانى زور»، - دەدى ورتالىق ديرەكتورى م. تولەپباي.
ال اقپاننىڭ 22- ءسى كۇنى «پاتريوتيزم - رۋحاني جاڭعىرۋدىڭ بەرىك ىرگەتاسى» 2- ءشى رەسپۋبليكالىق جاس پاتريوتتار فورۋمىنىڭ سالتاناتتى اشىلۋى بولادى.
فورۋمنىڭ كەستەسىنە ساي ونىڭ بارىسىندا پاتريوتتار اكادەمياسىنىڭ جاڭا مۇشەلەرى قاتارعا قابىلدانادى. سونىمەن قاتار، «مەن - ءوز ەلىمنىڭ ازاماتىمىن!» بايقاۋىنىڭ قورىتىندىسى شىعارىلىپ، جەڭىمپازدارى ماراپاتتالادى.
سونداي- اق، «پاتريوتتىق تاربيە: رۋحاني جاڭارۋ اياسىندا». «قازاقستاندىق جاس پاتريوتتار اكادەمياسىنىڭ كەلەشەكتەگى جۇمىس جوسپارى» تاقىرىبىندا باسپا ءسوز ءماسليحاتى وتەدى.
ەسكە سالا كەتەيىك، «بالداۋرەن» رەسپۋبليكالىق وقۋ- ساۋىقتىرۋ ورتالىعى «ارتەك» حالىقارالىق بالالار ورتالىعىنىڭ ۇلگىسىندە ەلباسى ن. ءا. نازاربايەۆتىڭ تاپسىرماسىمەن اشىلعان بولاتىن. ورتالىق ەلىمىزدىڭ ەڭ كورىكتى جەرلەرىنىڭ ءبىرى بۋراباي كۋرورتى ايماعىندا شۋچە كولىنىڭ جاعاسىندا ورنالاسقان.
اۆتور: اسلان وسپانوۆ