عالىمدار قارتايۋدى تەجەۋدىڭ جولىن ويلاپ تاپتى

 استانا. قازاقپارات - جاسۋشالارداعى انەۋپلويديا حروموسومالارىنىڭ دامۋىن توقتاتۋ ارقىلى قارتايۋدىڭ الدىن الۋعا بولادى.

پورتۋگاليا ۋنيۆەرسيتەتىنىڭ عالىمدارى وسىلاي دەپ مالىمدەدى. ال زەرتتەۋ جۇمىسى BioRxiv.org سايتىندا جاريالاندى.

عالىمدار كەمىرگىشتەردەگى ميتوز (جاسۋشالاردىڭ تىكەلەي بولىنبەۋ پروتسەسى) ءۇشىن جاۋاپ بەرەتىن مەحانيزمنىڭ جۇمىسىن بۇزدى. ميتوزدىڭ بۇزىلۋى ءوز كەزەگىندە پروگەرياعا (ادامنىڭ تەز قارتايۋى) الىپ كەلدى.

وسىدان كەيىن عالىمدار ورتا جاستاعى ادامداردا، قاريالار مەن جاڭا تۋعان سابيلەردە بولىنەتىن فيبروبلاست جاسۋشالارىنا اناليز جۇرگىزدى. ناتيجەسىندە ادامنىڭ جاسى ۇلعايعان سايىن اعزاداعى Forkhead box M1 اقۋىزىنىڭ بۇلىنەتىنى بەلگىلى بولدى. بۇل اقۋىز جاسۋشالاردىڭ بولىنۋىنە جاۋاپ بەرەتىن گەندەردىڭ بەلسەندىلىگىن رەتتەپ وتىرادى.

وسى اقۋىزدى جاساندى جولمەن كوبەيتۋ، حروموسومالار سانىن ازايتۋ جانە قارتايۋ ماركەرلەرىن تومەندەتۋ ارقىلى ادامداردىڭ بەلگىلى ءبىر دەڭگەيدە جاساراتىنى انىقتالدى. عالىمداردىڭ ايتۋىنشا، ولاردىڭ زەرتتەۋ جۇمىسىنىڭ ناتيجەسى Forkhead box M ارقىلى قارتايۋمەن كۇرەسۋ ادىستەرىن ويلاپ تابۋعا كومەكتەسەدى.

 

Baq.kz