قازاق اندەرى ماسكەۋدە شىرقالدى
قازاقستاندىق تەنور فەدور شالياپين اتىنداعى مۋزەيدە ونەر كورسەتتى. ءانشى الەمدىك وپەرا جاۋھارلارى - چايكوۆسكي، پۋچچيني، ۆەردي وپەرالارىنان اريا شىرقاپ، قازاق حالىق اندەرىن ماسكەۋ اسپانىندا اۋەلەتتى. سونىمەن بىرگە بالنۇر قىدىربەك، ۆلاديمير ستريگوسكي-پاك پەن حابيبۋللا سەتەكوۆ سىندى قازاقستاندىق كومپوزيتورلاردىڭ شىعارمالارىن دا ونەرسۇيەر قاۋىمعا تارتۋ ەتتى.
«كونسەرتتە چايكوۆسكيدىڭ، ۆەردي، پۋچچينيدىڭ جانە دە كوپتەگەن ەۋروپالىق، شەتەلدىك كومپوزيتورلاردىڭ تۋىندىلارىن، قازاق حالىق اندەرى مەن قازاقستان كومپوزيتورلارىنىڭ شىعارمالارىن ورىندايمىن»، - دەدى ءانشى قۋات باعىسبەك.
حالىق اندەرىن تىڭداۋعا ماسكەۋدە تۇراتىن قازاقتاردا كەلدى.
«مەن ءۇشىن بۇگىن قازاق ءانىنىڭ شىرقالعانى تەڭدەسسىز سىي بولدى. ءبىز بۇل كونسەرتكە بۇكىل جانۇيامىزبەن ارنايى كەلدىك، ويتكەنى ماسكەۋدە تۋىپ-وسكەن بالالارىمدى قازاقتىڭ ءتول مادەنيەتىمەن، قازاق مۋزىكاسىمەن تانىستىرعىم كەلدى»، - دەيدى مارجان جاقسىمبەتوۆا.
فوتو/egemen.kz