وليمپيادانىڭ مەدال كورسەتكىشى: قاي ەل الدا
ازىرگە قازاقستان قۇراماسىنىڭ قورجىنىندا فريستايلشى يۋليا گالىشەۆا جەڭىپ العان جالعىز قولا مەدال بار.
بۇگىنگى كۇننىڭ جالپى قورىتىندىسى بويىنشا، جالپى ەسەپتە ءبىرىنشى ورىندا كەلە جاتقان نورۆەگيا قۇراماسى مەدالدار سانىن 29 عا جەتكىزدى. ولاردىڭ قورجىنىندا 11 التىن، 10 كۇمىس جانە 8 قولا (29) مەدال بولسا، ەكىنشى ورىنداعى گەرمانيا ەلىنىڭ قورجىنىندا ازىرگە 17 التىن، 7 كۇمىس جانە 5 قولا جالپى (23) مەدال بار.
ال ۇزدىك ۇشتىكتى تۇيىندەپ تۇرعان كانادا سپورتشىلارىنىڭ ەنشىسىندە 8 التىن، 5 كۇمىس جانە 6 قولا مەدال (19). ال ءتورتىنشى ورىندا 6 التىن، 5 كۇمىس جانە 3 قولا (14) مەدالمەن نيدەرلاندى قۇراماسى كەلەدى. بۇگىن العاشقى بەستىككە فرانسيا قۇراماسى كوتەرىلدى. ولار 5 التىن، 4 كۇمىس جانە 4 قولا (13) مەدال ەنشىلەپ ۇلگەردى.
ايتا كەتسەك، وسىعان دەيىن بەستىكتەن تۇسپەي كەلە جاتقان ا ق ش قۇراماسى بۇگىن 5 التىن، 3 كۇمىس جانە 4 قولا (12) مەدالمەن 6- ورىنعا ءتۇستى.
ەستەرىڭىزگە سالا كەتەيىك، 9- اقپاندا الاۋى تۇتانعان اق وليميادا ويىندارىنا قازاقستان 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. ال، جالپى وليمپيادا ويىندارىندا سپورتتىڭ 15 تۇرىنەن 102 مەدال جيىنتىعى ساراپقا سالىنادى. جارىس 25- اقپاندا ءوز مارەسىنە جەتەدى.