بەيبىت شۇمەنوۆ قانات يسلامنىڭ پروموۋتەرى ەكەنىن جوققا شىعاردى
بارلىق ب ا ق- نا بۇل اقپاراتتىڭ جالعان ەكەندىگىن جەتكىزەمىز، دەپ حابارلادى بەيبىت شۇمەنوۆتىڭ باسپا ءسوز قىزمەتى.
«مەنىڭ قانات يسلاممەن پروموۋتەر رەتىندە جۇمىس ىستەيتىندىگىم تۋرالى ب ا ق بەتىندە پايدا بولعان اقپارات شىندىققا ساي كەلمەيدى. ءيا، مەنىڭ لاس-ۆەگاس قالاسىندا تىركەلگەن KZ Event Productions, Inc. دەپ اتالاتىن جەكە پروۋموۋتەرلىك كومپانيام بار.
ارينە، بولاشاقتا ءبىزدىڭ جىگىتتەرگە الەمدىك ارەنادا جەتىستىكتەرگە قول جەتكىزىپ، ەلىمىزدىڭ اتاعىن شىعارۋلارىنا كومەكتەسۋدى جوسپارلاپ وتىرمىن، - دەدى بەيبىت شۇمەنوۆ.
ەستەرىڭىزگە سالساق، قازاقستاندىق كاسىبي بوكسشى 29 -قاڭتاردا دەنساۋلىعىنا بايلانىستى بىرنەشە جىلعا ءۇزىلىپ قالعان سپورتتىق مانسابىن قايتا جالعاستىراتىنىن حابارلاعان بولاتىن.
بەيبىتتىڭ ايتۋىنشا، قازىر ونىڭ دەنساۋلىعى جاقسى جانە شارشى الاڭعا جاڭا قارقىنمەن شىعۋعا دايىن.