اقتوبەدەگى «انالارعا تاعزىم» ورتالىعى - بوپاي، روزا، ءاليانىڭ ومىرلەرىنەن سىر شەرتپەك
اقتوبە قالاسىنىڭ باتىس-2 شاعىن اۋدانىنداعى قۇرىلىس جۇمىسىمەن وبلىس اكىمى بەردىبەك ساپاربايەۆ تانىستى. جوبا قۇنى - 500 ميلليون تەڭگە. مەديتسينالىق مەكەمە زاماناۋي ماتەريالدىق- تەحنيكالىق بازامەن جابدىقتالىپ، ەرەكشە كۇتىمدى قاجەت ەتەتىن بالالارعا الەۋمەتتىك- پسيحولوگيالىق جانە مەديتسينالىق كومەك كورسەتىلەدى. ءارى اقتوبەدە اۋتيزممەن اۋىراتىن بالالار ورتالىعىن قۇرۋ جۇمىستارى دا ءجۇرىپ جاتىر.
«2018 -جىلدى ءبىز «باقىتتى بالالىق شاق» جىلى دەپ جاريالادىق. بالالارعا مەديتسينالىق كومەك بەرۋ، اتا- انالاردى قولداۋ ءۇشىن مۇمكىندىگى شەكتەۋلى بالالاردى وڭالتۋ، اۋتيزمگە شالدىققان بالالاردى قولداۋ ورتالىقتارى مەن بالالار ونكولوگيالىق ورتالىعىنىڭ قۇرىلىسى ءجۇرىپ جاتىر. بۇل ۇلكەن جۇمىستىڭ ءبىر بولىگى عانا»، - دەدى وبلىس اكىمى.
وبلىس اكىمى قالا باسشىلىعىنا قۇرىلىس نىساندارىنىڭ ساپاسىن مۇقيات قاداعالاۋدى، ال دەنساۋلىق ساقتاۋ باسقارماسىنا ورتالىقتاردى مەديتسينالىق قۇرال-جابدىقتارمەن جانە بىلىكتى ماماندارمەن قامتاماسىز ەتۋدى تاپسىردى.
جوبا «اسىل ميراس» قايىرىمدىلىق قورىنىڭ قولداۋىمەن «اۋتيزم. بارىنە ءبىر الەم» باعدارلاماسى اياسىندا جۇزەگە اسىرىلادى. ورتالىق ارقىلى بالالار مەن ولاردىڭ اتا- انالارىنا بىلىكتى مامانداردان تەگىن كەڭەس الادى.
سونداي-اق، ب. ساپاربايەۆ قۇرىلىسى ءجۇرىپ جاتقان «انالارعا تاعزىم» رۋحاني-ادامگەرشىلىك تاربيە ورتالىعىندا بولدى.
اقتوبە وبلىسى اكىمىنىڭ باسپا ءسوز قىزمەتىنىڭ حابارلاۋىنشا، ورتالىقتا بوپاي حانىم، نۇرسۇلۋ تاپالوۆا، روزا جامانوۆا، ءاليا مولداعۇلوۆا، اققاعاز دوسجانوۆا سىندى قازاق ايەلدەرىنىڭ ءومىرى مەن ەرلىكتەرى كورسەتىلەدى. ەكسپوزيتسيالىق زالعا قاجەتتى ماتەريالدار جيناقتالىپ جاتىر. كەشەندە پسيحولوگيالىق جەڭىلدەۋ جانە كەڭەس بەرۋ، قولونەر، جالپى دامۋ، مۋزىكالىق تاربيە بەرۋ، ستيليستيكا مەن ديزاين، وتباسىلىق جاتتىعۋلار وتكىزەتىن جانە تاعى باسقا كابينەتتەر ورنالاسادى.
جالپى، ورتالىق قىزمەتى ايەل زاتىنىڭ وتباسىنداعى ءرولىن كۇشەيتۋگە، بولاشاق انالاردى حالقىمىزدىڭ سالت- ءداستۇرىن ۇيرەتە وتىرىپ، تاربيەلەۋگە باعىتتالاتىن بولادى.