جەڭىس سەيدۋللا ۇلى «قازاق كونسەرتكە» باسشى بولىپ تاعايىندالدى
ايتا كەتۋ كەرەك، «قازاق كونسەرت» مەملەكەتتىك كونسەرت ۇيىمى - الماتى قالاسىندا 1960 - جىلدارى قۇرىلعان قازاقستانداعى ەڭ ءىرى مۋزىكالىق ۇيىمداردىڭ ءبىرى. ءوزىنىڭ باي تاريحىنىڭ العاشقى كۇندەرىنەن- اق «قازاقكونسەرت» قازاقستاندىق مادەنيەتتىڭ كوش باسىندا بولدى. بۇل جەردە ەلىمىزدىڭ ۇزدىك ارتىستەرى مەن شىعارماشىلىق ۇجىمدارى باس قوسقان. «قازاق كونسەرتتىڭ» كەشتەرى اۋقىمدى كورەرمەن اۋديتورياسىن جينايدى، ال باعدارلامالارى جانرلىق سان- الۋاندىلىق پەن ورىنداۋشىلاردىڭ جوعارى كاسىبيلىگىمەن ەرەكشەلەندى.
«قازاق كونسەرتتە» بارلىق جانرلار ۇسىنىلعان: حالىق ونەرى، كلاسسيكا، ەسترادا. شىعارماشىلىق قۇرامعا فولكلورلىق- ەتنوگرافيالىق انسامبل، «اكادەميا سوليستوۆ» مەملەكەتتىك كامەرالىق وركەسترى، «Astana Musical» تەاترى، ەسترادالىق جانە وپەرالىق انشىلەر كىرەدى.
بۇگىنگى تاڭدا «قازاق كونسەرت» كوركتى استانامەن ءوزىنىڭ جاڭا بەلەستەرىن بايلانىستىرا وتىرىپ، اتى اڭىزعا اينالعان ۇيىمنىڭ داڭقتى تاريحىن جالعاستىرىپ كەلەدى.
جەڭىس سەيدۋللا ۇلى - قازاقستاننىڭ ەڭبەك سىڭىرگەن قايراتكەرى، ونەر ماگيسترى. رەسپۋبليكالىق ەسترادا ونەرى ستۋدياسىندا «ەسترادا ۆوكالى» بولىمىندە، ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ «ەسترادالىق ونەر» ماماندىعى بويىنشا ءبىلىم العان.
ءتۇرلى جىلدارى جەڭىس سەيدوللا ۇلى ءسۇيىنباي اتىنداعى وبلىستىق فيلارمونيا وركەسترىنىڭ ءارتىسى، «گۇلدەر» مەملەكەتتىك ءانسامبلىنىڭ باس ديريجەرى، «وتان» رەسپۋبليكالىق ساياسي پارتياسىنىڭ ورتالىق اپپاراتى يدەولوگيا ءبولىمى مەڭگەرۋشىسىنىڭ ورىنباسارى بولدى. «گۇلدەر» مەملەكەتتىك ءانسامبلىنىڭ ديرەكتورى، «قازاق اۋەندەرى» ا ق ايماقتىق ديرەكتورى، ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ شىعارماشىلىق جۇمىستار جانە سىرتقى بايلانىستار جونىندەگى پرورەكتورى، ر م ق ك «ج. ەلەبەكوۆ اتىنداعى رەسپۋبليكالىق ەسترادا- تسيرك كوللەدجى» ديرەكتورى بولىپ قىزمەت اتقاردى. 2016 - جىلدىڭ ماۋسىم ايىنان باستاپ جامبىل اتىنداعى قازاق مەملەكەتتىك فيلارمونياسىنىڭ ديرەكتورى قىزمەتىن اتقاردى.