دۇيسەنبىدە ەلىمىزدە قار جاۋىپ، جەل كۇشەيەدى

استانا. قازاقپارات - 19 -اقپاندا اتموسفەرالىق اعىنداردىڭ وتۋىنە بايلانىستى قازاقستاننىڭ وڭتۇستىك-شىعىس، باتىس، سولتۇستىك- شىعىسىندا قۇبىلمالى اۋا رايى كۇتىلەدى، كەي جەرلەردە قار جاۋادى.

رەسپۋبليكانىڭ باسىم بولىگىندە تۇمان ساقتالۋى ىقتيمال، دەپ حابارلايدى قازاقپارات قازگيدرومەتكە سىلتەمە جاساپ.

سينوپتيكتەردىڭ بولجاۋىنشا، جامبىل، وڭتۇستىك قازاقستان وبلىستارىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى 15-20 م/س، كۇندىز ەكپىنى 23-28 م/س- گە جەتەدى. وڭتۇستىك قازاقستان وبلىسىنىڭ كەي جەرلەرىندە بۇرقاسىن بولادى.

قىزىلوردا، اتىراۋ، اقتوبە وبلىستارىندا تۇمان، جەلدىڭ جىلدامدىعى 15-20 م/س- گە جەتەدى دەپ بولجانادى.

 ماڭعىستاۋ وبلىسىنىڭ كەي جەرلەرىندە تۇمان، كوكتايعاق بولادى.

 باتىس قازاقستان وبلىسىندا كەي جەرلەرىندە تۇمان، بۇرقاسىن، كوكتايعاق بولىپ، جەلدىڭ ەكپىنى 15-20 م/س- گە كۇشەيەدى.

الماتى، قوستاناي، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان ءتۇسۋى ىقتيمال.