ا ق ش حورەوگرافى الەمدىك چەمپيوناتقا قاتىساتىن كومانداسىنا استانادان ءبيشى تاڭدايدى
قالالىق مادەنيەت، مۇراعاتتار جانە قۇجاتتاما باسقارماسىنىڭ مالىمەتىنشە، بايقاۋدىڭ قازىلار القاسى قۇرامىنا تانىمال امەريكالىق حورەوگراف گرەگ چاپكيس (Greg Chapkis) ەنگەن.
ول «Choreo» بايقاۋىنا قاتىسۋشىلاردىڭ اراسىنان ا ق ش- تاعى Word of dance LA بۇكىل الەمدىك قازىرگى زامانعى حورەوگرافيا چەمپيوناتىندا ونەر كورسەتەتىن كومانداسىنا بيشىلەردى تاڭدايتىن بولادى.
شاراعا ەلىمىزدىڭ ەڭ مىقتى حورەوگرافتارى مەن ۇزدىك بيشىلەرى قاتىسادى. بيىل كونكۋرسقا استانا، الماتى، پاۆلودار، ەكىباستۇز، اتىراۋ، اقتوبە، پەتروپاۆل جانە باسقا دا قالالاردان مىڭعا جۋىق ۇمىتكەر نيەت ءبىلدىرىپ وتىر.
كونكۋرستىڭ ءبىرىنشى كۇنى بالالار مەن جاسوسپىرىمدەر اراسىندا چەمپيونات وتەدى، 24 -اقپاندا شاقىرىلعان حورەوگرافتار شەبەرلىك ساباقتارىن وتكىزەدى. ال كونكۋرستىڭ سوڭعى كۇنى جەڭىمپازدار انىقتالاتىن بولادى.
«Choreo» بايقاۋىنىڭ جۇلدە قورى 500 مىڭ تەڭگە. قارجى ۇزدىك ءبي كوماندالارى مەن جەكە ورىنداۋشىلار اراسىندا ۇلەستىرىلەدى.