نازاربايەۆ ءوز جاسىندا قالاي جاقسى كورىنەتىنى تۋرالى ايتتى
قىتايدىڭ CCTV تەلەارناسىنىڭ جۋرناليستى سۇحبات كەزىندە قازاقستان پرەزيدەنتى نۇرسۇلتان نازاربايەۆقا وسى جاسىندا قالاي جاقسى كورىنەتى سۇرادى. مەملەكەت باسشىسى ءوزىنىڭ دەنساۋلىق قۇپياسىمەن ءبولىستى.
«مەن مۇنداي سۇراقتى ءجيى ەستيمىن، مەنىڭ ويىمشا، ولار جاسىڭىز نەشەدە دەپ سۇراعىسى كەلەدى...»، - دەپ كۇلدى نازاربايەۆ. بۇل تۋرالى Sputnik قازاقستان حابارلايدى.
پرەزيدەنتتىڭ ايتۋىنشا، قالىپتى جاعدايدا ءجۇرۋ ءۇشىن دەنە شىنىقتىرۋمەن اينالىسىپ، جۇگىرۋ كەرەك.
«جاس كەزىمنەن سپورتپەن اينالىسىپ كەلەمىن. بۇل ادەتكە اينالىپ كەتكەن. ساياساتكەر ءۇشىن ەڭ باستى باقىت قىزمەتكە ارەكەت ەتۋ ءۇشىن كەلگەنىڭ. ياعني جاساعان جوسپارىڭدى حالىققا كورسەتۋ. ونى ىسكە اسىرعان ساياسەتكەر باقىتتى. سونداي-اق ءار جەتىستىك سەنى شابىتتاندىرادى»، - دەپ جالعاستىردى پرەزيدەنت.
نازاربايەۆ ءوزىنىڭ سۇيىكتى ءىسىن تاپقان ادام ەشقاشان جۇمىس ىستەمەيدى دەگەن دانالىقتى ەسكە ءتۇسىردى.
«سول سياقتى، بار ىنتاسىمەن جۇمىس ىستەيتىن ادام جەتىستىككە قول جەتكىزەدى. ماقساتىڭدى جۇزەگە اسىرا الساڭ ول سەنى ودان ءارى شابىتتاندىرىپ، كۇش-قۋات بەرەدى. ەگەر وتىرىپ الىپ «مەن قاتتى قارتايدىم» سياقتى سىلتاۋلار ىزدەسەڭ، شىنىمەن دە سولاي بولادى. ءاردايىم ادامداردىڭ سەنىمىن اقتاپ، ولاردىڭ ارماندارىن ورىنداۋ ءۇشىن الدا ءجۇرۋىڭ كەرەك. سولاردى قاناتىڭنىڭ استىنا الىپ، جول كورسەتۋگە ءتيىستىسىڭ. جاساعان جەتىستىكتەرىڭ ساعان شابىت بەرىپ وتىراتىندىقتان جاس كورىنەسىڭ»، - دەدى نۇرسۇلتان نازاربايەۆ.