جاتىپىشەر جالقاۋ تۇتقىننان تۇرمە اكىمشىلىگى سوت ارقىلى اقشا ءوندىرىپ الدى
16:58, 16 - اقپان 2018
استانا. قازاقپارات - رەسەي فەدەراتسياسىنىڭ پەرم ولكەسىندە تۇرمەدە جازاسىن وتەپ جاتقان تۇتقىننان ءىشىپ-جەگەن تاماعى ءۇشىن اقشا ءوندىرىپ الدى.
بۇل جايىندا اتالعان ولكە پروكۋراتۋراسىنىڭ سايتىندا ايتىلعان. پەرم ولكەسىندەگى تۇزەتۋ مەكەمەسىن تەكسەرگەن كەزدە قاداعالاۋشى ورگان ر ف قىلمىستىق-اتقارۋ كودەكسىنىڭ تالاپتارى بۇزىلعاندىعىنا كوز جەتكىزگەن.
بەلگىلى بولعانداي، 2017 -جىلدان بەرى جازاسىن وتەپ جاتقان تۇتقىن ورىندى سەبەپسىز جۇمىس ىستەۋدەن باس تارتىپ كەلگەن. پروكۋرور سوتقا جۇگىنىپ، تۇتقىننان ونىڭ اس-اۋقاتىنا شىعىندانعان مەملەكەت پايداسىنا 50 مىڭ رۋبل ءوندىرىپ الدى.
islam.kz