مۇعالىمدەردى قازاقستانداعى بيلىك وكىلدەرىمەن تەڭەستىرۋ ۇسىنىلدى
پارلامەنت سەناتىنىڭ دەپۋتاتى دينار نۇكەتايەۆا قوعامدا ءمۇعالىم ماماندىعىنىڭ قادىر- قاسيەتىن كوتەرەتىن ءبىرقاتار ۇسىنىس ايتتى. ول ءوز ساۋالىن پرەمەر- مينيستر باقىتجان ساعىنتايەۆقا جولدادى.
نۇكەتايەۆا ءمۇعالىم جالاقىسىنىڭ وسكەنىنە قاراماستان ءالى دە ءبىلىم سالاسىنداعى شەنەۋنىكتەر مەن وقۋشىلاردىڭ اتا- انالارى تاراپىنان قىسىم كورىپ كەلە جاتقاندىعىن ايتتى. بۇگىنگى تاڭداعى ءمۇعالىم وبرازى - قۇقىعى تاپتالعان ءالسىز ادام.
«رەسەيدە پەداگوگقا قاتىستى جاسالعان قىسىم مەن قادىر- قاسيەتىن تومەندەتۋدى بيلىك وكىلدەرىنە كورسەتىلگەن قىسىممەن تەڭەستىرۋگە ۇسىنىس جاسالىپ جاتىر. مۇنداي تاجىريبە ءبىزدىڭ مۇعالىمدەرگە قاتىستى دا قولدانىلسا دەگەن نيەت بار» ، - دەپ جالعاستىردى ءسوزىن سەناتور.
سونداي- اق، ول قازاقستاننىڭ مەملەكەتتىك مەكەمەلەرىندە بەينەكامەراسى بار، ينتەرنەتكە قوسىلعان ۇيالى تەلەفون ۇستاۋعا تىيىم سالىنعاندىعىن ەسكە سالدى.
ەسكە سالا كەتسەك، پارلامەنت سەناتىنىڭ دەپۋتاتى دينار نوكەتايەۆا ق ر پرەمەر- ءمينيسترىنىڭ اتىنا جولداعان دەپۋتاتتىق ساۋالىندا ورتا ءبىلىم بەرۋ مەكەمەلەرىندە ەر مۇعالىمدەردىڭ از ەكەنىن ايتا كەلە، پەداگوگيكالىق ماماندىقتارعا ەر ازاماتتاردى تارتۋ ءۇشىن جەڭىلدىكتەر قاراستىرۋدى دا سۇرادى.
Baq.kz