ريمدە قازاقستان- يتاليا ۇكىمەتارالىق جۇمىس توبىنىڭ كەزەكتى وتىرىسى ءوتتى
قابىلداۋشى تاراپتى يتاليالىق تاراپتىڭ تەڭ ءتوراعاسى - يتاليانىڭ ەكونوميكالىق دامۋ ۆيتسە- ءمينيسترى يۆان سكالفاروتتو باستادى.
ح ج ت اياسىندا ينۆەستيتسيالار سالاسىندا ق ر ي د م ينۆەستيتسيالار كوميتەتىنىڭ ءتوراعاسى ەرلان قايىروۆ ءسوز سويلەدى.
«يتاليا ەۋروپامەن ساۋدا اينالىمى بويىنشا باستى سەرىكتەستەردىڭ ءبىرى جانە جەتەكشى ينۆەستور ەكەنىن اتاپ وتكىم كەلەدى. قازاقستان مەن يتاليا اراسىنداعى سىرتقى ساۋدا اينالىمى 2017 -جىلدىڭ قورىتىندىسى بويىنشا $9,6 ميلليارد قۇرادى، بۇل وتكەن جىلدىڭ ۇقساس كەزەڭىنەن 13,5 پايىزعا ارتىق. قازاقستان ەۋرازيالىق ەكونوميكالىق وداق قۇرامىندا. بۇل كەدەندىك شەكارالارى جوق سىيىمدىلىعى 180 ميلليوننان استام ادام بولاتىن سىرتقى تاۋار اينالىمى شامامەن $1 تريلليون ءبىرىڭعاي نارىق. سوندىقتان، مەن قازاقستاندى ەۋرازەق، قىتاي، ورتالىق ازيا جانە تاياۋ شىعىس ەلدەرىنىڭ ۇلكەن نارىقتارىنا شىعۋ ءۇشىن ءونىم وندىرۋگە ارنالعان الاڭ رەتىندە قابىلداۋدى ۇسىنامىن»، - دەدى ەرلان قايىروۆ.
ءىس- شارالار بارىسىندا ەكىجاقتى ىنتىماقتاستىق جاعدايىن باعالاۋمەن جانە قازاقستان- يتاليا ءوزارا ءىس- قيمىلىن ودان ءارى دامىتۋمەن بايلانىستى باسىمدىقتى ماسەلەلەردىڭ كەڭ سپەكترى قارالدى. تاراپتار ىسكەرلىك جانە بانك توپتارىنىڭ ءوزارا ءىس- قيمىلىن جانداندىرۋدى، قۇقىقتىق بازانى، ەنەرگەتيكا، ونەركاسىپ، اۋىل شارۋاشىلىعى سالاسىنداعى ىنتىماقتاستىقتى دامىتۋدى، گۋمانيتارلىق ىنتىماقتاستىقتى دامىتۋ سالاسىنداعى ماسەلەلەردى تالقىلادى. ەكىجاقتى ءوزارا ءىس- قيمىلدىڭ پەرسپەكتيۆالى باعىتى مادەنيەت جانە تۋريزم سالاسىندا ىنتىماقتاستىق ورناتۋ بولىپ بەلگىلەندى.
سول كۇنى ح ج ت وتىرىسى اياقتالعان سوڭ يتالياداعى قازاقستان ەلشىلىگى جالپىعا بىردەي يتاليالىق ونەركاسىپ كونفەدەراتسياسى جانە ICE- مەن بىرگە قازاقستاننىڭ ەكونوميكالىق مۇمكىندىكتەرىن تانىستىرۋعا ارنالعان بيزنەس فورۋم وتكىزدى، وعان ءىرى يتاليالىق كومپانيالار مەن بيزنەس قاۋىمداستىقتاردىڭ وكىلدەرى قاتىستى.
وتكەن جىلى قازاقستان مەن يتاليا ديپلوماتيالىق قاتىناستارىنىڭ جيىرما بەس جىلدىعىن اتاپ وتكەن بولاتىن.
25 جىلدا يتاليا رەسپۋبليكاسى ەلىمىز ءۇشىن باستى ينۆەستورلاردىڭ بىرىنە اينالدى جانە ىنتىماقتاستىقتى جالعاستىرۋعا مۇددەلى. يتاليالىقتار قازاقستانمەن جاڭا سالا - جاسىل تەحنولوگيالار سالاسىندا ىنتىماقتاستىق ورناتۋ ءۇشىن استانادا «ەكسپو-2017» كورمەسىنە قاتىسۋ مۇمكىندىگىن پايدالاندى.