قازاقپارات ءتىلشىسى وڭتۇستىك كورەيانىڭ حالىقارالىق اگەنتتىگىندە بولدى

 پحەنچحان. قازاقپارات - ХХII قىسقى وليمپيادا ويىندارىنان حابار تاراتىپ جۇرگەن قازاقپارات ءتىلشىسى كۇنسۇلتان وتارباي وڭتۇستىك كورەيانىڭ YONHAP NEWS حالىقارالىق اگەنتتىگىنىڭ باس رەداكتورى Sunghan Lee-مەن كەزدەستى، دەپ حابارلايدى قازاقپارات ءتىلشىسى.

كەزدەسۋ بارىسىندا ارىپتەستەر ەكى ەلدىڭ اقپارات اگەنتتىكتەرى اراسىنداعى بايلانىستارى تۋرالى پىكىر الماستى.

YONHAP NEWS اگەنتتىگىنىڭ حالىقارالىق بايلانىستار ءبولىمىنىڭ قىزمەتكەرى يۋ مين سون وليمپيادا ويىندارىندا قازاقستان سپورتشىلارىنا زور تابىس تىلەيتىنىن جەتكىزدى.

«قازاقپارات» حالىقارالىق اگەنتتىگىمەن جاقسى ارىپتەستەر رەتىندە جۇمىس ىستەپ جاتىرمىز. الداعى ۋاقىتتا دا وسى دارەجەدە قالا بەرەمىز دەگەن سەنىمدەمىن. ءبىز قازاقپارات حالىقارالىق اگەنتتىگىن بۇرىننان جاقسى بىلەمىز جانە سەرىكتەس بولعانىمىز ءۇشىن وتە قۋانىشتىمىز» ، - دەپ اتاپ ءوتتى يۋ مين سون.

سونداي- اق، تاراپتار كورەيا ەلىندە ءوتىپ جاتقان وليمپيادا ويىندارىنىڭ جوعارى دەڭگەيدە ۇيىمداستىرىلىپ وتىرعانى جونىندە اڭگىمەلەستى.

 

اۆتور: كۇنسۇلتان وتارباي