عالىمدار موتوتسيكلدەردەن شىعاتىن گازداردىڭ قاۋىپتى ەكەنىن ايتتى
بۇل تۇجىرىمدى پريمورەداعى قيىر شىعىس فەدەرالدى ۋنيۆەرسيتەتىنىڭ عالىمدارى جاسادى، دەپ حابارلايدى Baq.kz اقپاراتتىق اگەنتىگى ريا نوۆوستي سايتىنا سىلتەمە جاساپ.
«موتوتسيكلدەردىڭ قوزعالتقىشتارى قورشاعان ورتاعا قاۋىپسىز دەپ ايتا المايمىز. ولاردى جاساۋ جانە ساتۋداعى عالامدىق ءوسىم، اسىرەسە، ازيا مەن افريكادا جوعارى. قوزعالتقىشتاردىڭ ىشكى جانۋى كەزىندە ىدىراعان قالدىق ونىمدەرى ەكولوگياعا تەرىس اسەر ەتەدى» ، - دەپ حابارلادى ۋنيۆەرسيتەتتىڭ باسپا ءسوز قىزمەتى.
ءتىپتى زياندى گازداردى بولدىرمايتىن جۇيەمەن جابدىقتالعان زاماناۋي موتوتسيكل قوزعالتقىشتارىنداعى كوپ قوسىلىستار كانسەروگەندى بولىپ جىكتەلەدى. بۇدان مۋتاتسيا نە بولماسا ادامنىڭ دامۋىندا ءبىر كەمشىلىكتەر بولۋى مۇمكىن. سونىمەن قاتار، عالىمداردىڭ پىكىرىنشە، كۇن ساۋلەسىمەن قوسىلعان 0,5-تەن 2,5 م ك م- عا دەيىنگى ۋلى گازدار ءتۇرلى ميكرو- كليماتتىق اسەرلەردى تۋدىرادى. موتوتسيكلدەر مەن سكۋتەرلەردەن قورشاعان ورتاعا بولىنەتىن ۋلى گازدار ديزەلدىك اۆتوكولىكتەردەن بولىنەنەتىن گازدارعا قاراعاندا الدەقايدا زيان.
«زەرتتەۋ ناتيجەسى بويىنشا ءتورت ساتىلى ينجەكتورلى موتوتسيكل قوزعالتقىشتارى، ەكى ساتىلى جانە كاربيۋراتورلى قوزعالتقىشتارعا قاراعاندا ەكولوگيالىق قاۋىپسىز ەكەنى انىقتالدى. سونىمەن قاتار، عالىمدار 2020 -جىلعا قاراي ەكى ساتىلى سكۋتەر قوزعالتقىشتارى ەۋروپادا لاستانۋدىڭ نەعۇرلىم ەلەۋلى كوزى بولادى» ، - دەلىنگەن حابارلامادا.
پريمورەدەگى زەرتتەۋدە قوزعالتقىش جانە وتىن جۇيەلەرى ءارتۇرلى بار 44 موتوتسيكل، سكۋتەر، ءتورت ۆەلوسيپەد پەن سۋ موتوتسيكلدەرى پايدالانىلدى. جۇمىستىڭ ناتيجەلەرى توكسيكولوگيا تۋرالى عىلىمي جۋرنالدا جازىلدى. زەرتتەۋدى قيىر شىعىس فەدەرالدى ۋنيۆەرسيتەتىنىڭ دوكتورى، رەسەي عىلىم اكادەمياسىنىڭ شەتەلدىك مۇشەسى اريستيديس تساتساكيس جانە عىلىمي جۇمىس جونىندەگى پرورەكتور، بيولوگيا عىلىمدارىنىڭ دوكتورى كيريلل گولوحۆاست باسقارعان.