نۇرسۇلتان نازاربايەۆ: شەتەلدەن الاتىن مەملەكەتتىك قارىزدى ازايتۋ كەرەك
ەلباسى جيىن بارىسىندا پرەمەر-ءمينيستردىڭ ورىنباسارى ەربولات دوسايەۆ پەن قارجى ءمينيسترى باقىت سۇلتانوۆقا اتالعان باعىتتاعى جۇمىستاردى باقىلاۋعا الۋدى جۇكتەدى.
«مەملەكەتتىك قارىزدى ءبىر دەڭگەيدە ۇستاۋ كەرەك. وسى باعىتتاعى جاعدايدى قاداعالاپ. قارىزدى ۇلعايتپاي، كەرىسىنشە ونى كەمىتۋدىڭ قادامدارىن ۇكىمەتىڭ تابىسىمەن ورايلاستىرىپ وتىرۋ قاجەت. ءارتۇرلى جاعدايلار بولادى، سوندىقتان قاجەتتى مۇمكىندىكتەر بولۋى شارت. كەيىنگى كەزدە قۇرىلىسقا، جولدارعا ءبىراز كوبىرەك الىپ جىبەردىك»، - دەدى ەلباسى قارجى ءمينيسترى باقىت سۇلتانوۆقا قاراتىپ ايتقان سوزىندە.
بۇدان بۇرىن حابارلانعانداي، بۇگىن قازاقستان پرەزيدەنتى نۇرسۇلتان نازاربايەۆتىڭ توراعالىمەن ەل ۇكىمەتىنىڭ كەڭەيتىلگەن ءماجىلىسى ءوتىپ جاتىر.
وتىرىس بارىسىندا ۇكىمەت باسشىسىنىڭ، ءبىرقاتار مينيسترلەردىڭ، وبلىس اكىمدەرىنىڭ باياندامالارى تىڭدالدى.