ساكەن مايعازيەۆ وزىمەن ءان ايتقىسى كەلەتىن قىزدار اراسىندا بايقاۋ جاريالادى - ۆيدەو

استانا. قازاقپارات - ساكەن مايعازيەۆپەن دۋەت ايتۋدى ارماندايتىن ارۋلار ءۇشىن تاپتىرماس مۇمكىندىك! ءانشى تالانتتى قىزدار اراسىندا بايقاۋ جاريالادى.

بايقاۋعا قاتىسۋ ءۇشىن مايعازيەۆتىڭ رەپەرتۋارىنداعى «سەن ەدىڭ» ءانىنىڭ ءبىر شۋماعى مەن قايىرماسىن شىرقاپ، جەلىگە جۇكتەۋ قاجەت. جەڭىمپازعا 7-ناۋرىزدا رەسپۋبليكا سارايىندە وتەتىن ءان كەشىندە ساكەنمەن دۋەت ايتۋ باقىتى بۇيىرماق.

«كاسىبي جانە اۋەسقوي ءانشى قىزداردىڭ نازارىنا! اللا قالاسا، 7 -ناۋرىزدا وتەتىن جەكە كونتسەرتىمدە مەنىمەن دۋەت ورىنداۋعا بايقاۋ جاريالايمىن. «سەن ەدىڭ» ءانىنىڭ ءبىر شۋماق، ءبىر قايىرماسىن قايىرساڭىز جەتكىلىكتى. ساتتىلىك!»، - دەپ ءبولىستى ءانشى Instagram پاراقشاسىندا.

ايتپاقشى، بايقاۋعا قاتىسۋعا نيەت بىلدىرگەندەر اراسىندا مايعازيەۆتىڭ كوڭىلىنەن شىعىپ ۇلگەرگەن ارۋلار دا بار كورىنەدى. ءانشى ينستا-پاراقشاسىندا بىرنەشە تالانتتىڭ ۆيدەوسىن جاريالادى.

ايتا كەتەيىك، بۇعان دەيىن ساكەن «سەن ەدىڭ» ءانىن شامشىناھار، مارجان اراپبايەۆا سىندى ونەر يەلەرىمەن بىرگە ورىنداعان ەدى.

 

@akerkekurban_official 😊🇰🇿📚🎼🌎🎤🕊👏☀️

Публикация от Saken Maigaziyev (@saken_maigaziyev) Фев 8, 2018 в 6:15 PST